काठमाडौं २४ भाद्र । बेलायती महारानी एलिजाबेथ द्वितीयाको बिहीबार निधन भएको छ । बेलायतमा सबैभन्दा लामो समय शासन गर्ने महारानी एलिजाबेथले ७० वर्ष शासन गरेपछि बालमोरलमा निधन भएको हो । तिनै महारानी एलिजाबेथ द्वितीया सन् १९६१ मा नेपाल आउँदाको यो भिडियोले त्यो बेलाको नेपालको अवस्था बुझ्न सकिन्छ । रानी एजिलाबेथ काठमाडौं आउँदा तत्कालीन राजा महेन्द्र उनको स्वागतका लागि विमानस्थलमा पुगेका थिए ।१९६१ मा महारानी एलिजाबेथ द्वितीया नेपाल आउँदाको पुरानो दुर्लभ भिडियो हेर्नुहोस् ।
बेलायती समाचार संस्थाले बनाएको भिडियोमा त्यो बेला काठमाडौंको जनसंख्या एक लाख भएको भनिएको छ । रोचक कुरा, त्यो बेला राजा महेन्द्र र रानी रत्नले हातमा पञ्जा लगाएको देखिन्छ । यो सँगै रानी एलिजाबेथले सन् १९८६ को फ्रेबुअरीमा दोस्रो भ्रमण गरेकी थिइन् । दोस्रोपटक भ्रमण गर्दा नेपालमा राजा वीरेन्द्र थिए । बेलायती रानीको स्वागतका लागि तत्कालीन राजा वीरेन्द्र, रानी ऐश्वर्यालगायत पनि विमानस्थल गएका थिए ।
