महेन्द्रनगर । कञ्चनपुर स्थित महेन्द्रनगरमा रहेकाे युथ भ्वाइस ग्रुपले राष्ट्रीय एकता दिवसकाे अवसर पारेर निबन्ध प्रतियोगिता गर्ने भएकाे छ । ग्रुपले पुस २७ गते राष्ट्रीय एकता दिवस एवं पृथ्वी जयन्तीको अवसरमा भीमदत्त नगरपालिका क्षेत्रमा भएका विद्यालयका १० कक्षा सम्मका विद्यार्थीलाई सहभागिता जनाउन सक्ने गरि निबन्ध प्रतियोगिता गर्ने भएकाे हाे ।
सहभागी हुन चाहने इच्छुक विद्यार्थीले युथ भ्वाएस ग्रुपकाे इमेल youthsvoice2074@gmail.com मा राष्ट्रिय एकतामा पृथ्वीनारायण शाहकाे भुमिका विषयमा २ सय शब्दमा निबन्ध लेखेर पठाउनु पर्ने युथ भ्वाइस ग्रुपले जनाएकाे छ । प्रतियोगी मध्येबाट पहिलो, दोस्रो र तेस्रो हुनेलाई एकता दिवसकाे दिन आवश्यक कार्यक्रम गरेर पुरस्कार वितरण गरिने युथ भ्वाइस ग्रुपका केन्द्रीय सदस्य पिटी भट्टले जानकारी दिए ।