काठमाडौं । नाइजेरियाको दक्षिणी इडो राज्यस्थित रेल स्टेसनबाट शनिबार एके–४७ राइफल बोकेका हतियारधारीहरूले ३० जनाभन्दा बढी व्यक्तिलाई अपहरण गरेको डीडब्ल्यु न्युजले जनाएको छ । इडो गभर्नरको कार्यालयले जनाएअनुसार बन्दुकधारीको आक्रमण इग्वेबेनमा करिब ४ बजे (स्थानीय समय) मा भएको थियो ।
एके–४७ असल्ट राइफल लगायतका हतियार लिएर आएका मानिसहरूले सो स्टेशनमा ट्रेनको पर्खाइमा रहेका यात्रुहरूलाई आक्रमण गरेका थिए । सूचना मन्त्री क्रिस ओसा नेहिखारेले आक्रमणमा ३२ जना अपहरणमा परेको तर एकजना बेपत्ता भएको बताएका छन् ।
अहिले, सुरक्षाकर्मीहरू परिचालन गरी पीडितहरूको उद्धारकार्य अगाडि बढाइएको नेहिखारेले जनाएका छन् । रासस/एएनआई
