महेन्द्रनगर । कञ्चनपुरकाे महेन्द्रनगर स्थित ग्लाेबल एकेडेमीले भीमदत्त नगरपालिकाका उपमेयर निलम लेखक जाेशीलाई सम्मान गरेकाे छ । एकेडेमीले आफ्नो १८ औं अभिभावक दिवसकाे अवसरमा उत्कृष्ट जीवनीकाे आधारमा उपमेयरलाई सम्मान गरेकाे हाे ।
अभिभावक दिवसकाे अवसरलाई लक्षित गर्दै ग्लाेबल एकेडेमीले भीमदत्त नगरपालिका क्षेत्रमा सामाजिक तथा राजनैतिक व्यक्तित्वहरुकाे जीवनी लेखेर सामाजिक सञ्जाल फेसबुकमा राखेकाे थियो । सामाजिक सञ्जालमा राखेकाे जीवनी मध्ये भीमदत्त नगरपालिकाका उपमेयर निलम लेखक जाेशीकाे जीवनी धेरै पटक हेरिएकाे भन्दै उपमेयरलाई सम्मान सँगै पुरस्कार समेत दिइएको ग्लाेबल एकेडेमीले जनाएको छ ।
कक्षा ६ मा अध्ययनरत छात्रा हिमान्सी ओझाले उपमेयर लेखक जाेशीकाे जीवनी लेख्नुभएको थियाे । उक्त छात्राले लेखेकाे जीवनीलाई १० हजार बढी मानिसले सामाजिक सञ्जालमा हेरेकाे र उक्त जीवनीले अग्र स्थानमा आएको थियो ।