मैवाखोलाका छ वटै वडामा राष्ट्रिय प्रसारण लाइन

Published on

काठमाडौं । ताप्लेजुङको मैवाखोला गाउँपालिकाका छ वटै वडामा राष्ट्रिय प्रसारण लाइनको विद्युत जडान भएको छ। गाउँपालिकाको वडा ५ र ६ फाकुम्बामा बुधबार विद्युत परीक्षण सफल भएसँगै सो गाउँपालिकाको छ वटै वडामा राष्ट्रिय प्रसारण लाइन जडान भएको हो।

वडा १ र २ ढुङ्गेसाँघुमा केहीवर्ष पहिले नै राष्ट्रिय प्रसारण लाइनको विद्युत पुगेको थियो। वर्तमान गाउँपालिकाका पदाधिकारी निर्वाचित भएर आएपछि बाँकी सबै वडामा विद्युतीकरण गर्नेगरी पहल सुरु गरिएको र राष्ट्रिय प्रसारण लाइन विस्तार गर्ने काम सम्पन्न भएको छ। कामलाई तीव्रता दिएसँगै पालिकाभर नै विद्युत जडान भइसकेको गाउँपालिका अध्यक्ष विजयप्रकाश वनेमले जानकारी दिनुभयो। गाउँपालिकाको पदाधिकारी (जनप्रतिनिधि) निर्वाचित हुनुभन्दा पहिलेदेखि नै विद्युतीकरणको पहल गरेको र राष्ट्रिय प्रसारण लाइन जोड्ने कार्यले सार्थकता पाएको अध्यक्ष वनेमको भनाइ छ।

उहाँले राष्ट्रिय प्रसारण लाइन विस्तारको योजनाका लागि ऊर्जा, जलस्रोत तथा सिँचाइ मन्त्रालय धेरै पटक धाएको बताउनुभयो। आफ्नो नेतृत्वमा सिङ्गो गाउँपालिकाले सुरु गरेको योजना बल्ल सफल भएको उहाँको भनाइ छ। अब राष्ट्रिय प्रसारण लाइन जडान भएसँगै मैवाखोला गाउँपालिकाको वडा १ र २ ढुङ्गेसाँघु, वडा ३ र ४ साँघु र वडा ५ र ६ फाकुम्बाका उपभोक्ताले बिजुली बत्ती बाल्न भएका छन्। फाकुम्बाको दुर्गम बस्ती साम्तुङ लगायतमा भने राष्ट्रिय प्रसारण लाइन बिस्तार गरी सक्नलाई अझै केही समय लाग्ने गाउँपालिकाले जनाएको छ। उक्त बस्तीमा गाउँपालिकाले यसअघि केही परिवारलाई सोलार बत्ती वितरण गरेको छ भने बाँकी परिवारलाई पनि तत्कालका लागि सोलार वितरण गर्ने गाउँपालिकाको योजना रहेको बताइएको छ।

ताजा समाचार

नयाँ वर्षको पूर्वसन्ध्यामा ठमेलमा ‘सडक महोत्सव’ हुने

काठमाडौं । नेपाली नयाँ वर्ष २०८१ को पूर्वसन्ध्यामा राजधानीको प्रमुख पर्यटकीय गन्तव्य ठमेलमा सडक...

हवाई टिकटमा भ्याट हटाउन माग

काठमाडौं । हवाई टिकटमा लगाइँदै आएको मूल्य अभिवृद्धि कर ९भ्याट० हटाउनुपर्ने निजी क्षेत्रले माग...

शव खोज्न सगरमाथातर्फ नेपाली सेना

काठमाडौं । सगरमाथा आरोहणका क्रममा दुर्घटनामा परी बेपत्ता भएका आरोहीका शव खोज्न नेपाली सेनाको...

राष्ट्रिय सभा उपाध्यक्षको निर्वाचन : उम्मेदवारी दर्ता आज

काठमाडौं । राष्ट्रिय सभाको उपाध्यक्ष पदमा चैत २७ गते मङ्गलबार उम्मेदवारीको प्रस्ताव दर्ता हुँदै...