रानी महल जाने सडक खुल्यो सडक सुधारपछि

Published on

काठमाडौं । सडकमा परेको खाल्टाखुल्टीका कारण सहज यात्राका लागि जोखिमपूर्ण बनेको सडक बनाएपछि पाल्पाको रानी महल जाने सडक सञ्चालनमा आएको छ । ४८ दिन सडक बन्द गरेर सडक मर्मत सुधार गरेपछि तानसेन–रानी महल सडक सञ्चालनमा आएको हो । जिल्लाकै प्रमुख पर्यटकीय गन्तव्य स्थल रानी महल जाने बाटो लुम्बिनी प्रदेश सरकारको लगानीमा मर्मत सुधार गरिएको हो ।

एकतर्फी सडक बन्द गरेर मर्मत सुधार गर्ने अवस्था नभएपछि डेढ महिना सडक बन्द गरेर जोखिमयुक्त क्षेत्रको सडक ढलान गरिएको छ । तानसेन–रानी महल सडक खण्डको बैकुन्ठे भीर नजिकैको सडक मर्मत सुधार गरिएको सडक पूर्वाधार विकास कार्यालय पाल्पाले जनाएको छ । यसअघि रानी महल क्षेत्रमा जाने सडकमा परेको खाल्डाखुल्डीका कारण रानी महलसम्म जाने आउने पर्यटकहरूले जोखिम मोलेर यात्रा गर्नुपर्ने बाध्यता थियो । सडक बन्द गरेर स्तरोन्नतिको काम सकिएको र अबदेखि सडक नियमित सञ्चालनमा आएको कार्यालय प्रमुख वासुदेव भण्डारीले जानकारी दिनुभयो । गत माघ १७ गतेदेखि सडक बन्द गरेर स्तरोन्नतिको काम गरिएको थियो ।

सडक स्तरोन्नति अन्तर्गत सडक ढलान, मेशिनरी वाल निर्माण, ग्याबिङ वाल निर्माणलगायतको काम भएको प्रमुख भण्डारीले बताउनुभयो । उक्त क्षेत्रमा सडक जोखिमलाई मध्यनजर गर्दै रेलिङ् राख्ने तथा सडक चौडा बढाएर ढलान गरिएको छ । सडक मर्मत सुधार भए पनि दिनहुँ रानी महल जाने पर्यटकको यात्रा सहज हुने कार्यालयका सूचना अधिकारी श्यामकुमार श्रेष्ठले बताउनुभयो । दैनिक सयौँ पर्यटक यही सडक भएर रानी महलमा जाने गर्दछन् । गोरखापत्र

ताजा समाचार

नयाँ वर्षको पूर्वसन्ध्यामा ठमेलमा ‘सडक महोत्सव’ हुने

काठमाडौं । नेपाली नयाँ वर्ष २०८१ को पूर्वसन्ध्यामा राजधानीको प्रमुख पर्यटकीय गन्तव्य ठमेलमा सडक...

हवाई टिकटमा भ्याट हटाउन माग

काठमाडौं । हवाई टिकटमा लगाइँदै आएको मूल्य अभिवृद्धि कर ९भ्याट० हटाउनुपर्ने निजी क्षेत्रले माग...

शव खोज्न सगरमाथातर्फ नेपाली सेना

काठमाडौं । सगरमाथा आरोहणका क्रममा दुर्घटनामा परी बेपत्ता भएका आरोहीका शव खोज्न नेपाली सेनाको...

राष्ट्रिय सभा उपाध्यक्षको निर्वाचन : उम्मेदवारी दर्ता आज

काठमाडौं । राष्ट्रिय सभाको उपाध्यक्ष पदमा चैत २७ गते मङ्गलबार उम्मेदवारीको प्रस्ताव दर्ता हुँदै...