भोजपुर–विराटनगर हवाई उडान ६ वर्षपछि पुनः सुचारु

Published on

काठमाडौं । भोजपुर–विराटनगर हवाई उडान सेवा ६ वर्षपछि पुनः सुचारु भएको छ । वि।स २०७४ बाट प्राविधिकलगायत विभिन्न कारणले बन्द रहेको उडान हाल उक्त समस्याहरू समाधान भएसँगै पुनः उडान सुचारु भएको हो ।

नेपाल वायु सेवा निगमको टयुनेटर विमानले अब हप्तामा दुई दिन शनिबार र बिहीबार भोजपुर–विराटनगर उडान गर्ने नेपाल वायुसेवा निगम भोजपुरका प्रमुख प्रकाश खड्काले बताउनुभयो । उहाँका अनुसार भोजपुर–विराटनगर हप्तामा दुई पटक उडान हुन्छ भने हवाई भाडा ४ हजार २९ रुपियाँ निर्धारण गरिएको छ । लामो समयदेखि उडान बन्द हुँदा भोजपुर–विराटनगर आवतजावत गर्ने बिरामी, अशक्त तथा समस्यामा परेका यात्रुहरूलाई सवारी साधनबाट यात्रा गर्न बाध्यता थियो । अब सिधा हवाई सेवा सुचारु भएपछि यात्रुहरूलाई छिटो यात्रा गर्न सहज हुने भोजपुर नगरपालिकाका प्रमुख कैलाश कुमार आलेले बताउनुभयो । उडान सेवाको उद्घाटन गर्नुहुँदै प्रमुख आलेले आगामी दिनमा जहाज उडानमा निरन्तरता र सहजता प्रदान गर्न नेपाल वायुसेवा निगम र क्रु मेम्बरलाई आग्रह समेत गर्नुभयो । भोजपुर–विराटनगर हवाई सेवा पुनः सुचारु भएसँगै जिल्लावासीहरू खुसी भएका छन् । गोरखापत्र

ताजा समाचार

संरक्षणको प्रतीक्षामा खोकनाका पोखरी

काठमाडौं । ललितपुर महानगरपालिका–२१ खोकनामा ‘खा’, ‘गा’, ‘फङा’ र ‘कमल’ गरी चारवटा पोखरी छन्...

कञ्चनपुरको वनहरा नदीमा पक्की पुल निर्माण हुँदै

काठमाडौं । शुक्लाफाँटा नगरपालिका–१२ भएर बग्ने वनहरा नदीमा रु २५ करोडको लागतमा मोटरेबल पक्की...

प्रहरी जवानको हत्या आरोपमा छजना पक्राउ

काठमाडौं । प्रहरी जवान युवराज घिमिरेको हत्या आरोपमा छजनालाई पक्राउ गरिएको छ । काठमाडौँ...

चितवनको विद्युत् समस्या अन्त्य हुँदै

काठमाडौं । पश्चिम चितवनको देवनगरमा निर्माण भएर पनि सञ्चालन हुन नसकेको विद्युत्को सबस्टेसन शनिबारबाट...