काठमाडौं — मुगुको छायानाथ रारा नगरपालिका–६, कोटिला गाउँका एक वृद्धको बाढीले बगाउँदा ज्यान गएको छ।
६६ वर्षीय धर्मसिंह मल्लको बुधबार दिउँसो चडिपानीस्थित चरन क्षेत्रमा गाईगोरु चराउने क्रममा बाढीले बगाउँदा मृत्यु भएको छायानाथ रारा नगरपालिका–६ का वडाध्यक्ष खेपबहादुर रावलले जानकारी दिनुभयो।
उहाँका अनुसार, अविरल वर्षाका कारण आएको बाढीले मल्ललाई करिब दुई मिटर तल बगाएको थियो। मल्ल फरक क्षमता (अपाङ्गता) भएका व्यक्ति थिए।
वडाध्यक्ष रावलले थप जानकारी दिँदै भन्नुभयो, “चडिपानी क्षेत्रमै चराइका लागि लगिएका गाईगोरु भने सुरक्षित छन्, कुनै क्षति पुगेको छैन।”
प्रमुख जिल्ला अधिकारी खडान्द खत्रीका अनुसार घटना लगत्तै प्रहरी टोली घटनास्थलमा परिचालन गरिएको छ। मृतकको शव पोष्टमार्टमका लागि तयारी भइरहेको जनाइएको छ।
