काठमाडौं । बिहीबारको तुलनामा शुक्रबार नेपाली बजारमा सुन–चाँदीको मूल्यमा केही कमी आएको छ। नेपाल सुनचाँदी व्यवसायी महासङ्घका अनुसार आज छापावाला सुनको मूल्य प्रतितोला दुई लाख ५२ हजार ४०० रुपैयाँ कायम गरिएको छ, जसले बिहीबारको तुलनामा ९०० रुपैयाँ घटेको छ। त्यस्तै चाँदी आज प्रतितोला ३ हजार ५५५ रुपैयाँमा कारोबार हुँदैछ, जुन अघिल्लो दिनको तुलनामा ७० रुपैयाँ कम हो।
बिहीबार सुनको मूल्य प्रतितोला २ लाख ५३ हजार ३०० रुपैयाँ र चाँदी ३ हजार ६२५ रुपैयाँमा निर्धारण गरिएको थियो। अन्तर्राष्ट्रिय बजारमा पनि मूल्यमा उतार–चढाव देखिएको छ। अन्तर्राष्ट्रिय सञ्चारमाध्यमहरूका अनुसार आज एक औँस सुन ४ हजार २४० अमेरिकी डलरमा तथा चाँदी ५८ अमेरिकी डलरमा कारोबार भइरहेको छ।
