काठमाडौं । युक्रेनका राष्ट्रपति भोलोदीमिर जेलन्स्कीले आफ्ना शहरमाथि आक्रमण रोकिएको देखिने आशा व्यक्त गर्नु भएको छ । उहाँले यो आशा संयुक्त अरब इमिरेट्समा अमेरिकी र रुसी प्रतिनिधिबिच भएको वार्ता र समझदारी अनुसार लागु हुने विश्वासमा आधारित रहेको बताउनुभयो । राष्ट्रपति जेलन्स्कीले उक्त कदमले युद्धको क्रममा तनाव घटाउने र वास्तविक प्रगति ल्याउने दिशामा मद्दत पुर्याउने बताउनु भएको छ । उक्त आशा सार्वजनिक गर्दै उहाँले नागरिक सुरक्षा र मानव जीवनको महत्वलाई जोड दिनुभयो । उहाँले यस प्रकारको समझदारीले युद्धको हिंसा र विनाश कम गर्ने, साथै सामान्य जनताको जीवनमा सहजता ल्याउने अपेक्षा व्यक्त गर्नुभयो ।
यसअघि अमेरिकी राष्ट्रपति डोनाल्ड ट्रम्पले पनि युक्रेनको राजधानी किएभ र अन्य शहरमा आक्रमण रोक्नका लागि अनुरोध र सुझाव दिनु भएको थिए । उहाँका अनुसार यो कदमले मानवीय कठिनाइ कम गर्ने उद्देश्य राखेको थियो । युक्रेनको यो पहलले अन्तर्राष्ट्रिय स्तरमा पनि सकारात्मक सङ्केत दिएको छ, जसले आगामी कूटनीतिक वार्ता र तनाव घटाउने प्रयासमा महत्वपूर्ण भूमिका खेल्ने देखिन्छ । यो घटना क्रमले युक्रेन र विश्व समुदायबिच युद्धको समाधान खोज्ने प्रक्रिया अझ गहिरो र संवेदनशील भएको सङ्केत दिन्छ । विशेषज्ञले यस्ता कदमले शहरी क्षेत्रको सुरक्षा, जनजीवन र युद्धको मानविय असर कम गर्न सहयोग पुर्याउने सम्भावना राख्ने भनेका छन् । गोरखापत्र
