त्रिपुरेश्वरस्थित राहदानी विभागअगाडि भएको घटनामा गम्भीर रूपमा घाइते भएका गणेश नेपालीको सम्पूर्ण उपचार खर्च सरकारले व्यहोर्ने भएको छ।
हाल वीर अस्पतालमा उपचाररत नेपालीलाई थप विशिष्ट उपचारका लागि भारतको नयाँ दिल्लीस्थित ‘अखिल भारतीय आयुर्विज्ञान संस्थान (AIIMS)’ लैजाने तयारी भइरहेको छ। प्रधानमन्त्रीको निर्देशनपछि आवश्यक प्राविधिक तथा व्यवस्थापकीय प्रक्रिया अघि बढाइएको छ।
