नयाँ आर्थिक वर्ष २०८३/०८४ सुरु भएसँगै सरकारी कर्मचारीहरूको नयाँ तलबमान आजदेखि लागू भएको छ। सरकारले कर्मचारीको सुरु तलब स्केलमा १० प्रतिशत वृद्धि गर्नुका साथै कार्यसम्पादनका आधारमा थप १० प्रतिशत मासिक प्रोत्साहन भत्ताको व्यवस्था गरेको छ।
यस व्यवस्थापछि कर्मचारीहरूको पारिश्रमिक करिब २१ प्रतिशतले बढेको छ। नयाँ तलबमानअनुसार निजामती, जङ्गी र शिक्षकहरूको न्यूनतम तलब करिब ४० हजार रुपैयाँ र उच्च तहका कर्मचारीको तलब १ लाख रुपैयाँभन्दा बढी पुगेको छ।
