नेपाल आयल निगमले बजारमा देखिएको एलपी ग्यास अभावको समस्या अबको दुई साताभित्र समाधान हुने विश्वास व्यक्त गरेको छ।
निगमका निमित्त कार्यकारी निर्देशक दीपक बरालले उपभोक्ताको माग अस्वाभाविक रूपमा बढेकाले मागअनुसार ग्यास आपूर्ति गर्न नसकिएको बताए। उनले अनावश्यक रूपमा ग्यास भण्डारण नगर्न उपभोक्तालाई आग्रह गरे।
निगमले दशैं–तिहारलाई लक्षित गर्दै मासिक ५० देखि ५५ हजार मेट्रिक टन ग्यास आयात सुनिश्चित गर्ने प्रयास गरिरहेको जनाएको छ। यसो भए खाली सिलिण्डर भरेर बजार आपूर्ति सामान्य बनाउन सकिने निगमको भनाइ छ।
