एनसेलले व्यवसायीमाथि भइरहेको धरपकड र फौजदारी मुद्दाका कारण लगानीकर्ता त्रसित भएको भन्दै अर्थमन्त्री डा. स्वर्णिम वाग्लेको ध्यानाकर्षण गराएको छ।
अर्थ मन्त्रालयसँगको छलफलमा एनसेलका अधिकारीहरूले व्यवसायी पक्राउका घटनाले नेपालको लगानी वातावरण र सुरक्षाबारे प्रश्न उठाएको बताएका छन्। कम्पनीले कर निर्धारण प्रक्रिया र आयकर ऐनको दफा ५७ पुनरावलोकन गर्न पनि सरकारसँग आग्रह गरेको छ।
त्यस्तै, फ्रिक्वेन्सी वितरण र विदेशी मुद्रा सटही सुविधामा प्रतिस्पर्धी कम्पनीसरह समान व्यवहार गर्न एनसेलले माग गरेको छ।
