सस्ता चिनियाँ टायरका कारण रुसी ट्यांकहरु हिलोमा अड्किए !

Published on

काठमाडौं १९ वैशाख । युक्रेन हमला सुस्ताउँदै जानु पछाडिको मुख्य कारण रुसी सैन्य सवारी साधनहरु पनि भएको बताइएको छ जुन हाल युक्रेनी सडकहरुमा जताततै हिलोमा फसेको, ट्यांकहरु अड्किएको देखिन्छ । यसमा रुसी अधिकारीहरुले बलियो टिकाउ महङ्गा टायरको बदलामा सस्तो चिनियाँ वैकल्पिक सामग्रीहरु आयात गरेकाले यस्तो भएको हुन सक्ने प्राविधिक विद्हरुले बताएका छन् ।

नेटोका सवारीसाधनले ‘मिसेलिन एक्सजीएल टायर’ को प्रयोग गर्दछन् तर चिनियाँ व्यवसायले त्यसैका नक्कली उत्पादन लामो समयदेखि सस्तोमा निर्माण गरिरहेको पाइएको छ । यिनको गुणस्तर नराम्रो भएकामा चिनिन्छ । यस्तोमा महङ्गा सैन्य सवारीमा सस्ता टायर फिट गर्दाको नतिजा स्वरुप नै गाडीहरु कठिन बाटोमा अड्किन पुगिरहेको बताइएको छ ।

रुसको सैन्य बजेट प्रति वर्ष झन्डै ६० अर्ब डलरको रहेको छ तर त्यहाँका जेनेरलहरु भ्रष्ट हुने गरेकाले पनि आधा बढी रकम विभिन्न स्तरमा घूसखोरीमा सकिने यसअघि न्युजिल्यान्ड टाइम्सलाई एक खुफीया श्रोतले बताएको थियो ।

जस्तै मिसेलिन एक्सजीएल टायरको मूल्य अलिबाबामा ३६ हजार डलर छ भने त्यसको चिनियाँ विकल्प प्रति २०८ डलरमा पाइन्छ । यसको अर्थ त्यही रकममा ५० सेट चिनियाँ टायर किन्न सकिन्छ ।
यसैगरी कमजोर व्यवस्थापन अनि लापरबाही र तकनिकी कमजोरीले पनि रुसी सैन्य सवारीले सोचे जस्तो प्रभावकारी काम गर्न नसकेको बताइएको छ । डेलिमेलबाट ।

ताजा समाचार

सशस्त्र प्रहरी निरीक्षक पौडेलद्वारा सगरमाथाको सफल आरोहण

काठमाडौं । सशस्त्र प्रहरी बल, नेपालको इतिहासमा पहिलो पटक सङ्गठनको प्रतिनिधित्व गर्नुहुँदै सशस्त्र प्रहरी...

संसद्‌मा कांग्रेसको अवरोध कायमै

काठमाडौं । प्रमुख प्रतिपक्षी दल नेपाली कांग्रेसले सहकारी ठगी प्रकरणको छानबिनका लागि संसदीय समिति...

घर, समाज र टोलका विवाद मिलाउन ‘न्याय चौतारी’

काठमाडौं । स्थानीय विवाद सामुहिक छलफल र मेलमिलापका माध्यमबाट समाधान गर्न काठमाडौँ महानगरपालिकाले ‘न्याय...

सुनको मूल्य घट्यो

काठमाडौं । स्थानीय बजारमा पहेँलो धातुको मूल्य आज तोलामा रु। एक हजार दुई सयले...