आत्मनिर्भर बनाउन अचार बनाउने तालिम

Published on

काठमाडौं । दोलखाको बिगु गाउँपालिकाका स्थानीय महिलालाई आत्मनिर्भर बनाउन अचार बनाउने तालिम प्रदान गरिएको छ । विगु गाउँपालिकाको आयोजनामा युवा उद्यमी साझेदारी कार्यक्रम अन्तर्गत गाउँपालिका २ ओराङका स्थानीयलाई ४ दिने तालिम प्रदान गरिएको हो ।

दलित समुदायका स्थानीय, फरक क्षमता भएका व्यक्तिलाई व्यावसायिक अचार बनाउने तालिम प्रदान गरिएको बिगु गाउँपालिका –२ ओराङका वडा अध्यक्ष दीपक ठकुरीले बताउनुभयो । तालिममा ३५ जनाको सहभागिता थियो । अधिकांश सहभागी दलित समुदाय र अन्य महिला रहेको ठकुरीले बताउनुभयो । गाउँमै बसेर केही गर्न खोज्ने स्थानीयलाई तालिम दिएर उहाँहरूलाई पेसा तथा व्यवसायमा आबद्ध बनाई आत्मनिर्भर बनाउने उद्देश्यले तालिम आयोजना गरिएको उहाँको भनाइ छ ।

अचार बनाउने तालिमका लागि तालिम नभई यसले आफूलाई आत्मनिर्भर बनाउने उहाँले बताउनुभयो । तालिममा सीप सिकेपछि पेसा तथा व्यवसाय सञ्चालन गरेर उद्यमी बन्नुपर्ने उहाँले बताउनुभयो । स्थानीयले उत्पादन गरेको अचारको बजारीकरणका लागि आफूहरूले भूमिका खेल्ने र गुणस्तरीय अचार उत्पादन गरेका स्थानीयको अचार बिक्रीको जिम्मा आफूहरूले लिने उहाँको भनाइ छ । तलिमको प्रशिक्षक बबिता केसीले सहजीकरण गर्नुभएको थियो । गाउँघरमा भएका कुखुराको मासु, खसीको मासुुलगायत विभिन्न प्रकारका मासुुबाट अचार बनाउन तालिम प्रदान गरिएको थियो । तयार पारिएको अचार परीक्षणका लागि पठाइएको र यसलाई ब्रान्डिङ गर्ने तयारी गरिएको वडा कार्यालयले जनाएको छ ।

ताजा समाचार

नयाँ वर्षको पूर्वसन्ध्यामा ठमेलमा ‘सडक महोत्सव’ हुने

काठमाडौं । नेपाली नयाँ वर्ष २०८१ को पूर्वसन्ध्यामा राजधानीको प्रमुख पर्यटकीय गन्तव्य ठमेलमा सडक...

हवाई टिकटमा भ्याट हटाउन माग

काठमाडौं । हवाई टिकटमा लगाइँदै आएको मूल्य अभिवृद्धि कर ९भ्याट० हटाउनुपर्ने निजी क्षेत्रले माग...

शव खोज्न सगरमाथातर्फ नेपाली सेना

काठमाडौं । सगरमाथा आरोहणका क्रममा दुर्घटनामा परी बेपत्ता भएका आरोहीका शव खोज्न नेपाली सेनाको...

राष्ट्रिय सभा उपाध्यक्षको निर्वाचन : उम्मेदवारी दर्ता आज

काठमाडौं । राष्ट्रिय सभाको उपाध्यक्ष पदमा चैत २७ गते मङ्गलबार उम्मेदवारीको प्रस्ताव दर्ता हुँदै...