मनाङमा हिमपहिरो, अवरुद्ध सडक खुलाउँदै सशस्त्र प्रहरी

Published on

काठमाडौं । आइतबार राति परेको हिमपातले सोमबार मनाङ ङिस्याङ गाउँपालिका–१ ढुकुरपोखरीमा हिमपहिरो गएको छ। हिमपहिराले सडक अवरुद्ध हुँदा तल्लो मनाङ र माथिल्लो मनाङमा आवतजावत ठप्प भएको छ।

ठुलो हिमपहिरो गएकाले उपकरण अभावमा सोमबार हिमपहिरो पन्छाउन नसकिएको प्रमुख जिल्ला अधिकारी सुवासकुमार लामिछानेले जानकारी दिनुभयो। उहाँले भन्नुभयो, ‘‘आज पनि पहिरो पन्छाउने प्रयास जारी छ, जोखिमयुक्त भएको तथा पहिला पनि घटना घटेको भन्ने जानकारीमा आएकाले उच्च सतर्कताका साथ काम भइरहेको छ।’’ उहाँका अनुसार ढुकुरपोखरीमा गएको सो हिमपहिरो मस्र्याङ्दी नदीमा आइपुगेको छ। ठुलो पहिरो गएकाले सडक अवरुद्ध रहेको मनाङ प्रहरीले जनाएको छ। डोजरले बिहानैदेखि पहिरो पन्छाउने र अवरुद्ध सडक खुलाउने प्रयास भइरहेको छ। अवरुद्ध सडक खुलाउन सशस्त्र प्रहरी बल परिचालन गरिएको छ। ७५ देखि १०० मिटरसम्म लामो हिमपहिरो भएकाले समय धेरै लाग्ने सशस्त्र प्रहरी बलका डीएसपी उदयराज न्यौपानेले जानकारी दिनुभयो।

मनाङ पर्यटकीय क्षेत्र भएकाले पर्यटक आउने याम सुरु भइसकेको छ। हिमपहिरोले सडक अवरुद्ध भएपछि पर्यटक आवतजावतमा समस्या भएको छ। मनाङमा हिमपहिरो मनाङमा हिमपहिरो

ताजा समाचार

नयाँ वर्षको पूर्वसन्ध्यामा ठमेलमा ‘सडक महोत्सव’ हुने

काठमाडौं । नेपाली नयाँ वर्ष २०८१ को पूर्वसन्ध्यामा राजधानीको प्रमुख पर्यटकीय गन्तव्य ठमेलमा सडक...

हवाई टिकटमा भ्याट हटाउन माग

काठमाडौं । हवाई टिकटमा लगाइँदै आएको मूल्य अभिवृद्धि कर ९भ्याट० हटाउनुपर्ने निजी क्षेत्रले माग...

शव खोज्न सगरमाथातर्फ नेपाली सेना

काठमाडौं । सगरमाथा आरोहणका क्रममा दुर्घटनामा परी बेपत्ता भएका आरोहीका शव खोज्न नेपाली सेनाको...

राष्ट्रिय सभा उपाध्यक्षको निर्वाचन : उम्मेदवारी दर्ता आज

काठमाडौं । राष्ट्रिय सभाको उपाध्यक्ष पदमा चैत २७ गते मङ्गलबार उम्मेदवारीको प्रस्ताव दर्ता हुँदै...