बजेट अभावले सिँचाइ प्रभावित

Published on

काठमाडौं । मधेश प्रदेश सरकारले आवश्यक बजेट विनियोजन नगर्दा महोत्तरीको कृषि सिँचाइ कार्यक्रम प्रभावित भएको छ । प्रदेश सरकारको कृषि सिँचाइ प्रवर्द्धन कार्यक्रमअन्तर्गत महोत्तरीका लागि चालु आव ९०८०(८१० मा अति न्यून बजेट विनियोजन गरेकोले कृषि ज्ञान केन्द्रलाई किसानको चित्त बुझाउन मुस्किल परेको हो ।

ज्ञान केन्द्र महोत्तरीका अनुसार यो कार्यक्रम कम्तीमा २ निगाह जग्गा जोत्ने किसानको हितका लागि लागु गरिएको थियो । कार्यक्रम अन्तर्गत छनौटमा परेका किसानलाई ४ इन्च क्षमताको बोरिङ र मोटरका लागि १ लाख रुपियाँ बराबरको अनुदान दिने व्यवस्था छ । यसका लागि ज्ञान केन्द्रले कम्तीमा १५० जना किसानका लागि कोटा माग गरेको थियो। प्रदेशले भने ३० जना किसानका लागि मात्र ३० लाख बजेट पठाएकोले समस्या भएको हो । बोरिङका लिन इच्छुक किसानलाई ज्ञान केन्द्रले डेढ महिनाअघि सार्वजनिक सूचना जारी गरी जग्गाको धनीपूर्जासहित आवेदन माग गरेको थियो । यसको केही दिनमै ६५० जनाभन्दा बढी किसानले निवेदन दिएपछि बोरिङ कसलाई दिने कसलाई नदिने अन्यौलता परेको कृषि ज्ञान केन्द्रका प्रमुख मनिष पालले बताउनुभयो । पालले भन्नुभयो, अनुदानका लागि साढे ६ सय किसानको निवेदन परेको छ । प्रदेशले भने ३० जनाका लागि मात्र कोटा पठाएको छ, सबैको चित्त कसरी चित्त बुझाउने समस्या भएको छ ।ू

कृषि ज्ञान केन्द्रको रेकर्ड अनुसार महोत्तरीमा ७१ हजार ५१७ हेक्टर खेती योग्य जमिनमध्ये ३२ प्रतिशत भूमिमा मात्र सिँचाइ पुगेको छ । नदीनाला तथा भूमिगत जलश्रोत सुक्दै गएकाले भएका सिँचाइ पनि भरपर्दो छैन । सिँचाइ अभावले अपेक्षित उत्पादन हुन नसक्दा किसानहरू मर्कामा पर्दै आएका छन् । सरकारले पनि भरपर्दो सिँचाइका लागि चासो नदिँदा कृषि क्षेत्र घाटाको खेती भएको गौशाला १० का कृषक दिनेश महतोले किसानका पीडा सुनाउनुभयो ।

ताजा समाचार

छत्तिसगढ भिडन्तमा मारिने नक्सलवादीकाे संख्या १८ नाघ्याे

छत्तीसगढ, ५ बैशाख । छत्तिसगढको कांकेर जिल्लामा सुरक्षा बल र नक्सलवादीबीच भीषण भिडन्त भएको...

आज रामनवमी पर्व मनाइँदै

काठमाडौँ । आज रामनवमी पर्व मनाइँदैछ । हिन्दू धर्मावलम्बीले श्रद्धापूर्वक रामको पूजा गरेर यो...

नयाँ वर्षको पूर्वसन्ध्यामा ठमेलमा ‘सडक महोत्सव’ हुने

काठमाडौं । नेपाली नयाँ वर्ष २०८१ को पूर्वसन्ध्यामा राजधानीको प्रमुख पर्यटकीय गन्तव्य ठमेलमा सडक...

हवाई टिकटमा भ्याट हटाउन माग

काठमाडौं । हवाई टिकटमा लगाइँदै आएको मूल्य अभिवृद्धि कर ९भ्याट० हटाउनुपर्ने निजी क्षेत्रले माग...