एनपीएलको उपाधिका लागि आज लुम्बिनी र सुदूरपश्चिम भिड्दै

Published on

काठमाडौं – नेपाल प्रिमियर लिग (एनपीएल) को तेस्रो संस्करणको उपाधिका लागि आज लुम्बिनी लायन्स र सुदूरपश्चिम रोयल्सबीच प्रतिस्पर्धा हुँदैछ । कीर्तिपुरस्थित त्रिवि क्रिकेट मैदानमा हुने फाइनल खेल साँझ ५ बजे सुरु हुनेछ । लगातार दोस्रो पटक फाइनलमा पुगेका दुवै टोली यसपटक पनि उपाधिका लागि आमनेसामने हुन लागेका हुन् । गत संस्करणको फाइनलमा सुदूरपश्चिम रोयल्सलाई पराजित गर्दै लुम्बिनी लायन्सले उपाधि जितेको थियो । त्यसैले यसपटक पनि उपाधि रक्षा गर्ने लक्ष्यसहित लुम्बिनी मैदानमा उत्रनेछ भने सुदूरपश्चिम पहिलो पटक च्याम्पियन बन्ने योजनामा हुनेछ ।

लिग चरणमा उत्कृष्ट प्रदर्शन गरेको लुम्बिनी ११ अंकसहित शीर्ष स्थानमा रहँदै पहिलो क्वालिफायर खेलेर फाइनल पुगेको हो । पहिलो क्वालिफायरमा पनि लुम्बिनीले सुदूरपश्चिमलाई ६ विकेटले पराजित गरेको थियो । यसअघि लिग चरणको भेटमा समेत लुम्बिनीले सुदूरपश्चिममाथि ७ विकेटको जित निकालेको थियो ।

पहिलो क्वालिफायरमा पराजित भए पनि सुदूरपश्चिमले उपाधि यात्रालाई कायम राख्न सफल भयो । दोस्रो क्वालिफायरमा चितवन राइनोजलाई ३ विकेटले पराजित गर्दै सुदूरपश्चिमले फाइनलमा स्थान सुरक्षित गरेको हो । लिग चरणमा १० अंकसहित दोस्रो स्थानमा रहेको सुदूरपश्चिम लगातार तेस्रो पटक एनपीएलको फाइनलमा पुगेको टोली हो ।

यसअघि पहिलो संस्करणको फाइनलमा जनकपुर बोल्ट्ससँग पराजित भएको सुदूरपश्चिम दोस्रो संस्करणमा लुम्बिनी लायन्ससँग पराजित भएको थियो । लगातार तीन पटक फाइनल पुगे पनि उपाधि जित्न नसकेको सुदूरपश्चिम यसपटक विगतको नतिजा बदल्दै पहिलो पटक च्याम्पियन बन्ने लक्ष्यमा छ । लुम्बिनीका कप्तान रोहित पौडेल र सुदूरपश्चिमका कप्तान दीपेन्द्रसिंह ऐरीको नेतृत्वमा रहेका दुवै टोलीमा राष्ट्रिय तथा अन्तर्राष्ट्रिय क्रिकेटका अनुभवी खेलाडी छन् । आजको फाइनलले लुम्बिनीलाई उपाधि रक्षा गर्ने अवसर दिनेछ भने सुदूरपश्चिमलाई पहिलो पटक एनपीएल च्याम्पियन बन्ने मौका प्रदान गर्नेछ ।

spot_img

ताजा समाचार

एनपीएल फाइनल: टस जितेर सुदूरपश्चिमले रोज्यो पहिले बलिङ

काठमाडौं – नेपाल प्रिमियर लिग (एनपीएल) को तेस्रो संस्करणको उपाधिका लागि भइरहेको फाइनलमा सुदूरपश्चिम...

शान्ति सम्झौताको २० वर्ष पुग्दा पनि द्वन्द्वपीडितले न्याय पाएनन् : इन्सेक

काठमाडौं – विस्तृत शान्ति सम्झौता भएको २० वर्ष पूरा हुँदासमेत द्वन्द्वपीडितले न्याय र परिपूरण...

सार्वजनिक सेवा प्रसारण संस्थाको अध्यक्ष पदका लागि दरखास्त आह्वान

काठमाडौं – सार्वजनिक सेवा प्रसारण संस्थाको रिक्त सञ्चालक समिति अध्यक्ष पदका लागि दरखास्त आह्वान...

प्रधानमन्त्री बालेन शाह आइतबार भारत भ्रमणमा जाँदै, ३४ सदस्यीय टोली सहभागी हुने

काठमाडौं - प्रधानमन्त्री वालेन्द्र शाह पर्सि आइतबार भारतको दुईदिने राजकीय भ्रमणमा जानुहुने भएको छ...