कोशीलाई हराएको गण्डकी प्रतियोगिताबाट बाहिरियो

Published on

काठमाडौं । गण्डकी प्रदेशले वीर गणेशमान सिंह राष्ट्रिय टी–२० प्रतियोगितामा बुधबार कर्णाली प्रदेशमाथि जित निकालेको छ ।

मूलपानी मैदानमा कोशीलाई चार विकेटले हराए पनि गण्डकी प्रतियोगिताको समूह चरणबाटै बाहिरिएको हो । यता पाँचौँ हार खेपेको कोशी पनि बाहिरी सकेको छ । कोशीले अङ्क तालिकामा खाता खोल्न सकेको छैन । जितको लागि एक सय ५६ रनको लक्ष्य पछाएको गण्डकीले १९\५ ओभरमा ६ विकेटको क्षतिमा एक सय ५९ रन जोड्दै लक्ष्य पूरा गरेको थियो । गण्डकीका लागि दिनेश बुढामगरले सर्वाधिक ३३ रन बनाउनुभयो । ओपनर ईश्वर क्षेत्रीले २५, अर्जुन कुमालले २४, विपिन खत्री र दीपक डुम्रेले १८.१८ तथा अमृत गुरुङ १२ रन बनाउनुभयो । बलिङमा कोशीका प्रकाश कार्कीले दुई विकेट लिनुभयो । यसअघि पहिले ब्याटिङ गरेको कोशीले २० ओभरमा पाँच विकेटको क्षतिमा एक सय ५५ रन बनाएको थियो । कोशीका लागि सोनु अन्सारीले ४४ रन बनाउनुभयो । यस्तै मनिष थापाले ४३, कप्तान अङ्कित सुवेदीले ३२, श्रवण यादवले अविजित २१ र दीपेश कँडेलले १० रन बनाउनुभयो । बलिङमा गण्डकीका सुवास भण्डारीले तीन विकेट लिनुभयो । विपिन खत्री र अमृत गुरुङले एक एक विकेट लिनुभयो ।

ताजा समाचार

सशस्त्र प्रहरी निरीक्षक पौडेलद्वारा सगरमाथाको सफल आरोहण

काठमाडौं । सशस्त्र प्रहरी बल, नेपालको इतिहासमा पहिलो पटक सङ्गठनको प्रतिनिधित्व गर्नुहुँदै सशस्त्र प्रहरी...

संसद्‌मा कांग्रेसको अवरोध कायमै

काठमाडौं । प्रमुख प्रतिपक्षी दल नेपाली कांग्रेसले सहकारी ठगी प्रकरणको छानबिनका लागि संसदीय समिति...

घर, समाज र टोलका विवाद मिलाउन ‘न्याय चौतारी’

काठमाडौं । स्थानीय विवाद सामुहिक छलफल र मेलमिलापका माध्यमबाट समाधान गर्न काठमाडौँ महानगरपालिकाले ‘न्याय...

सुनको मूल्य घट्यो

काठमाडौं । स्थानीय बजारमा पहेँलो धातुको मूल्य आज तोलामा रु। एक हजार दुई सयले...