काठमाडौं । भारतका प्रधान न्यायाधीश डा। धनन्जय वाइ। चन्द्राच्युड र उहाँको धर्मपत्नी कल्पना दासले शनिबार आराध्यदेव पशुपतिनाथको दर्शन तथा विशेष पूजापाठ गर्नुभएको छ ।
प्रधान न्यायाधीश डा। चन्द्राच्युडले दर्शन र विशेष पूजाका लागि कोषका पदाधिकारी, भट्ट, पुजारीलाई धन्यवादसमेत दिनुभएको छ । प्रधान न्यायाधीश डा। चन्द्राच्युडले पुस्तिकामा लेख्नुभएको छ, “भगवान् श्री पशुपतिनाथको चरणमा दर्शन गर्न पाउँदा असीम कृपा एवं आशीर्वाद मिल्यो । दर्शनको राम्रो प्रबन्ध मिलाएकोमा भट्टज्यूहरू, पशुपति क्षेत्र विकास कोषलगायत सम्बद्ध सबै पक्षलाई धन्यवाद आभार व्यक्त गर्दछु ।”
