राष्ट्रिय महिला टी–२० : एपिएफ एक खेल अगावै फाइनलमा

Published on

काठमाडौं । विभागीय टोली नेपाल एपिएफ क्लब ललितपुर मेयर कप राष्ट्रिय महिला टी–२० क्रिकेट प्रतियोगिताको फाइनलमा प्रवेश गरेको छ । साबिक विजेता एपिएफ एक खेल अगावै फाइनलमा पुगेको हो ।

कीर्तिपुरस्थित त्रिवि क्रिकेट मैदानमा बुधबार लगातार तेस्रो जित निकाल्ने क्रममा एपिएफले आयोजक ललितपुर मेयर–११ लाई आठ विकेटले हरायो । जितसँगै एपिएफले तीन खेलबाट ६ अङ्क बनाएको छ । पराजित ललितपुरको समान खेलबाट दुई अङ्क छ । जितका लागि ललितपुरले दिएको ७१ रनको लक्ष्य एपिएफले ९.४ ओभरमा दुई विकेटको क्षतिमा पूरा गरेको थियो । एपिएफका लागि कप्तान सीता रानामगरले सर्वाधिक ५० रन बनाउनुभयो । ममता चौधरीले १६ रन जोड्नुभयो । बलिङमा ललितपुरकी किर्तिका मरासिनीले दुई विकेट लिनुभयो । यसअघि टस जितेर पहिले ब्याटिङ गरेको ललितपुरले निर्धारित २० ओभरमा पाँच विकेटको क्षतिमा ७० रन बनाएको थियो । ललितपुरका लागि पूजा महतोले २४ र ज्योत्निका मरासिनीले २१ रन बनाउनुभयो । बलिङमा एपिएफकी रेखा रावल र सीता रानामगरले एक एक विकेट लिनुभयो ।

ताजा समाचार

सशस्त्र प्रहरी निरीक्षक पौडेलद्वारा सगरमाथाको सफल आरोहण

काठमाडौं । सशस्त्र प्रहरी बल, नेपालको इतिहासमा पहिलो पटक सङ्गठनको प्रतिनिधित्व गर्नुहुँदै सशस्त्र प्रहरी...

संसद्‌मा कांग्रेसको अवरोध कायमै

काठमाडौं । प्रमुख प्रतिपक्षी दल नेपाली कांग्रेसले सहकारी ठगी प्रकरणको छानबिनका लागि संसदीय समिति...

घर, समाज र टोलका विवाद मिलाउन ‘न्याय चौतारी’

काठमाडौं । स्थानीय विवाद सामुहिक छलफल र मेलमिलापका माध्यमबाट समाधान गर्न काठमाडौँ महानगरपालिकाले ‘न्याय...

सुनको मूल्य घट्यो

काठमाडौं । स्थानीय बजारमा पहेँलो धातुको मूल्य आज तोलामा रु। एक हजार दुई सयले...