चौंथो सिन्धुपाल्चोक तेक्वान्दो प्रतियोगितामा जाल्पा मावि विजयी

Published on

काठमाडौं । चौंथो सिन्धुपाल्चोक जिल्ला स्तरीय खुल्ला तेक्वान्दो प्रतियोगितामा सुनकोशी गाउँपालिका–७ कोठेस्थित जाल्पा माध्यमिक विद्यालयका छात्रछात्रा प्रथम भएका छन् । सिन्धुपाल्चोक तेक्वान्दो एकेडेमीले २० स्वर्ण पदकका लागि जेठ ११ गतेबाट सञ्चालन गरेको प्रतियोगितामा २० वटा पदक प्राप्त गरी उक्त विद्यालयका विद्यार्थी प्रथम भएको छ ।

एकेडेमीका अध्यक्ष समेत रहेका राष्ट्रिय रेफ्री रोहिन्द्र विक्रम खड्काका अनुसार आठ स्वर्ण, नौ रजत, तीन कास्य पदकसहित जाल्पा मावि प्रथम, पाँच स्वर्ण, छ रजत, दुई कास्य पदकसहित सुकुटे तेक्वान्दो डोजाङ द्वितीय र दुई स्वर्ण, एक कास्य पदकसहित गणेश मावि तृतीय हुन सफल भएको जानकारी दिनुभयो । पुरुष उत्कृष्ट खेलाडीतर्फ जाल्पा माविका ३३ केजीतर्फ डेभिट पौडेल र महिला उत्कृष्ट खेलाडी ४३ केजीतर्फ जाल्पाकै अनुसा नेपालीले बेस्ट खेलाडीको उपाधी जित हाँसिल गरेका छन् । अन्तर्राष्ट्रिय निर्यायक मीन न्यौपाने नेतृत्वमा १२ जना रेफ्रीले प्रतियोगिता सञ्चालन गरेका थिए । आयोजक एकेडेमीका अध्यक्ष खड्काले जिल्लाभरका बालबालिकालाई तेक्वान्दो खेलमा आर्कषित गर्दे स्वास्थ, अुशासित बनाउदै तेक्वान्दो खेलमार्फत जिल्लालाई राष्ट्रिय, अन्तर्राष्ट्रिय रुपमा चिनाउन लागिरहेको बताउनुभयो । सो प्रतियोगितामा यमुनाडाँडा तेक्वान्दो डोजाङ९गणेश मावि०, जनजागृति मावि कालिका डोजाङ, बाघभैरव मावि डोजाङ, महेन्द्रकान्ति मावि डोजाङ, जाल्पा मावि डोजाङ, सदाबहार एकेडेमी, सुकुटे तेक्वान्दो डोजाङ, बलेफी तेक्वान्दो डोजाङ लगायतका डोजाङहरु सहभागी थिए । सो गेममा जाल्पा मावि सह–आयोजक रहेको थियो । गोरखापत्र

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...