काठमाडौं । सुनसरीको कोशी गाउँपालिकाको विभिन्न वडामा कोशी टप्पु वन्यजन्तु आरक्षबाट निस्किने जङ्गली हात्तीको आतङ्कले स्थानीय त्रसित बनेका छन् ।
मंगलबार राती र बिहान कोशी गाउँपालिका ३ र ४ मा पसेको जङ्गली हातीको आतङ्कले स्थानीयहरु त्रसित बनेका हुन् । जङ्गली हात्तीले कोशी(३ का जागेश्वर मेहता सहतिको घरमा क्षती गरेको छ भने केहीको उखुबाली र तरकारी बालीमा क्षती गरेको स्थानीय देवराज यादवले जानकारी दिनुभयो । केही महिनादेखि बन्द रहेको हात्ती आतङ्क सोमबार र मंगलबार रातीदेखी फेरि सुरु भएकाले स्थानीयहरु त्रसित बनेका यादवले बताउनुभयो । लाखौंको बाली क्षती गरेको हात्तीले गत मङ्सिरसम्ममा चालु आर्थिक वर्षमा मात्रै कोशी प्रदेशमा पाँच जनाको जंगली हात्तीको आक्रमणबाट मृत्यु भएको थियो । गोरखापत्र