प्रदेश सरकारको नीति तथा कार्यक्रममाथि छलफल जारी

Published on

काठमाडौं । बागमती प्रदेश सरकारको आगामी आर्थिक वर्ष २०८१-०८२ को नीति तथा कार्यक्रममाथि बागमती प्रदेश सभा बैठकमा छलफल भइरहेको छ । आगामी आवको वार्षिक नीति तथा कार्यक्रममाथिको बुधबारबाट सुरु भएको छलफल आज बिहीबार पनि जारी छ । नीति तथा कार्यक्रममाथिको छलफलमा बोल्दै प्रदेश सभाका सदस्यहरुले नीति तथा कार्यक्रममा पुनर्लेखन गर्नुपर्ने माग गर्नुभएको छ । नीति तथा कार्यक्रमले नागरिकका समस्यालाई पहिचान गर्न नसकेको भन्दै प्रदेश सभाका सदस्यहरुले नीति तथा कार्यक्रमले स्पष्ट दिशा निर्देश गर्न नसकेको बताउनुभयो ।

नीति तथा कार्यक्रममाथि प्रदेश सभा सदस्यहरु उद्धब थापा, भरतबहादुर केसी, मसिना खड्का, राजु विष्ट, बालकुमारी विश्वकर्मा, रामकुमार पहाडी, ठुला थामी, मातृकाप्रसाद भट्राई, उत्तम जोशी, समिता खड्गीलगायतले बोल्नुभएको छ । यसअघि प्रमुख विपक्षी दल नेपाली कांग्रेस संसदीय दलका नेता बहादुरसिं लामा तामाङले नीति तथा कार्यक्रम स्पष्ट भएको बताउँदै उत्पादनमूलक क्षेत्रमा जोड दिनुपर्ने बताउनुभयो । उहाँले सहकारीको बचत अपचलन गर्नेमाथि छानविन र कारबाहीका लागि नीति तथा कार्यक्रममा स्पष्ट नभएको र स्पष्ट गर्नुपर्नेमा जोड दिँदै नीति तथा कार्यक्रम पुनर्लेखन गर्नुपर्ने बताउनुभयो । प्रदेश सभा सदस्य तारानारायण श्रेष्ठले विकास र लगानीका लागि पुँजी निर्माण महत्वपूर्ण हुने बताउनुभयो । सरकारमा हुँदा र विपक्षमा हुँदा फरक कुरा गर्ने प्रवृत्ति अन्त्य गर्न नीतिमा स्पष्ट हुनुपर्ने भन्दै उहाँले बजेट छर्ने प्रवृत्ति अन्त्य हुनुपर्ने बताउनुभयो । प्रदेश सभा सदस्य प्रभात तामाङले सरकार नीतिगत रुपमा स्पष्ट नरहेको बताउँदै प्रिबजेटमा सार्वजनिक जग्गामा औद्योगिक पूर्वाधार निर्माण गरी निजी क्षेत्रलाई दिने उल्लेख गरेको भएपनि अहिले नीति तथा कार्यक्रममा सो कुरा कहीँकतै उल्लेख नभएको बताउनुभयो । गोरखापत्र

ताजा समाचार

राष्ट्रपति पौडेल बर्लिनमा, भोलि औपचारिक भेटवार्ता

काठमाडौँ । राष्ट्रपति रामचन्द्र पौडेल सङ्घीय गणतन्त्र जर्मनीको औपचारिक भ्रमणका क्रममा जेनेभाबाट बर्लिन पुगेका...

सरकारको निर्णय कुर्दै एयर अस्त्र

काठमाडौं । बङ्गलादेशी एयरलाइन्स कम्पनी एयर अस्त्रले ढाका–पोखरा–ढाका उडानका लागि तीव्र तयारी थालेको छ...

नेपाल र श्रीलङ्काबिचको खेल वर्षाले रद्ध, नेपालको सुपर आठ सम्भावना कायम

काठमाडौं । आइसिसी टी(२० विश्वकप अन्तर्गत नेपाल र श्रीलङ्काबिचको खेल वर्षाका कारण रद्ध भएको...

अवैध रूपमा ढुवानी गर्दै गरेको शालिग्राम नियन्त्रण

काठमाडौं । मुस्ताङबाट अवैध तवरले चोरी निकासी गर्न लागिएको झन्डै तीन हजार चार सय...