महिलालाई आत्मनिर्भर बनाउन अन्नपूर्णमा ढाका बुनाई तालिम

Published on

काठमाडौं । म्याग्दीको अन्नपूर्ण गाउँपालिकाले महिलालाई सीप सिकाएर आत्मनिर्भर बनाउने उद्देश्यले ढाका बुनाई तालिम सञ्चालन गरेको छ । महिलाहरुलाई गाउँमै पेशा व्यवसाय गरेर आत्मनिर्भर बनाउने उद्देश्यले एक महिनै ढाका बुनाई तालिम सञ्चालन गरेको हो । आवासीय सुविधासहित आयोजना गरिएको तालिममा आठ जना महिला सहभागि भएका छन् । स्थानीय महिलालाई जीवनोपयोगी सीप सिकाएर आर्थिक उन्नति गराउँदै आत्मनिर्भर बनाउन तालिम आयोजना गरेको गाउँपालिकाका प्रमुख प्रशासकीय अधिकृत अमृत सुवेदीले जानकारी दिनुभयो । गाउँपालिकाले महिलाहरुलाई स्वरोजगार बनाउन कृषि, ब्युटिसियन लगायतका तालिमहरु पनि सञ्चालन गरेको उहाँको भनाइ छ । तालिममा महिला उद्यमी लिला पुनले सहजीकरण गर्नुभएको छ । तालिममा ढाकाको कपडा तयार पार्ने र टोपी, सल, साडी, झोला लगायतका सामग्रीहरु बनाउन सिकाउने प्रशिक्षक पुनले जानकारी दिनुभयो ।

पछिल्लो समय ढाकाबाट तयार पारिएका कपडाहरुको माग बढ्न थालेकाले स्थानीय स्तरमा महिला उद्यमीहरु तयार पार्न तालिमले सहयोग पुग्ने उहाँको भनाइ छ । म्याग्दीमा उत्पादन भएको ढाकाको कपडा युरोप, अमेरिकालगायतका अन्य मुलुकहरुबाट माग आउने भएकाले आवश्यकता अनुसार उत्पादन गर्न नसकिएको उहाँको बताउनुभयो । म्याग्दीबाट मात्र वार्षिक रुपमा २५ देखि ३० लाख रुपियाँ बराबरको ढाकाको कपडा विदेश निर्यात हुने गरेको उहाँको भनाइ छ । परिश्रम गर्नसके यसबाट राम्रो आम्दानी लिन सकिन्छ प्रशिक्षक पुनले भन्नुभयो, ‘‘कपडाको माग धेरै आउने गरेको छ । उद्यमी नहुँदा माग अनुसार पुर्‍याउन सकिएको छैन । स्थानीय तहले दिएको तालिमबाट गाउँगाउँमा महिला उद्यमी तयार हुने आशा छ । महिलाहरु सीप सिकेर उद्यम व्यवसाय गरी आत्मनिर्भर बनाउन तालिमले सहयोग पुग्ने गाउँपालिकाको महिला बालबालिका शाखा प्रमुख सविना थापाले बताउनुभयो । तालिम र उपकरण सहयोग गर्न गाउँपालिकाले चालु आर्थिक वर्षमा सात लाख रुपियाँ विनियोजन गरेको उहाँले बताउनुभयो । तालिम लिएका महिलाहरुलाई ७५ प्रतिशत अनुदानमा ढाका बुन्ने मेशिन प्रदान गरिने उहाँले बताउनुभयो ।

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...