दीपिका र सिद्धार्थलाई उत्कृष्ट खेलाडी अवार्ड

Published on

काठमाडौं । जुडो कुरासकी दीपिका अचार्ज र टेबल टेनिसका खेलाडी सिद्धार्थ तामाङलाई धरान खेलकुद मञ्चले उत्कृष्ट खेलाडी अवार्ड २०८० द्वारा सम्मान गरिएको छ ।

धरान खेलकुद मञ्चले शुक्रबार एक कार्यक्रम आयोजना गरी उत्कृष्ट खेलाडी र उत्कृष्ट प्रशिक्षक करातेको कोच किरण लामालाई उत्कृष्ट प्रशिक्षक अवार्ड २०८० बाट सम्मान गरिएको हो । उहाँहरूलाई जनही नगद रकम २५ हजार र अवार्ड प्रदान गरिएको हो । यसैगरी, मोष्ट पपुलर राइजिङ प्लेयरको अवार्ड फुटबल खेलाडी सुमन सेतेङ्बा लिम्बुलाई प्रदान गरेको छ । उहाँलाई नगद रकम ११ हजार र अवार्ड गरिएको छ । यसैगरी लाइफ टाइम एचिभमेन्ट अवार्डबाट राजुमान श्रेष्ठ र गीता थापा मगरलाई सम्मानित गरिएको छ । उहाँहरूलाई धरान खेलकुद मञ्चका अध्यक्ष किशोर राई, नेपाली कांग्रेसका नगर अध्यक्ष श्याम पोख्रेल, नेकपा (एकीकृत समाज)का धरान नगर अध्यक्ष रेवतिरमण राई लगायतले नगद रकम र अवार्डले सम्मान गर्नुभएको थियो ।

धरानमा सबै विधाका खेलकुदको विकासका लागि खेलकुद सङ्घ सङ्गठनहरूको प्रतिनिधित्व गर्दै छाता संस्थाको रूपमा वि।सं।२०६७ सालमा खेलकुद मञ्च गठन भएको हो । धरानलाई खेलकुद सहरको रूपमा चिनाउने खेलाडीहरूलाई प्रोत्साहित गर्ने उद्देश्यले अवार्ड प्रदान गरेको आयोजक मञ्चका अध्यक्ष राईले बताउनुभयो । यो कार्यक्रम वर्षैपिच्छे हुने समेत उहाँले बताउनुभयो । राष्ट्रिय, अन्तर्राष्ट्रिय प्रतियोगितामा सफलता हासिल गरेका खेलाडीहरूलाई एक्स्पोजर गर्नुपर्छ भन्ने उद्देश्यले अवार्ड दिएको अध्यक्ष राईले बताउनुभयो । छनोट समितिका सचिव सुधीर सीँ लिम्बुका अनुसार विभिन्न १० खेल विधामा १४ जनाको नाम थियो । छनौट समितिले वर्ष खेलाडी पुरुषतर्फ टेबल टेनिसका सिद्धार्थ तामाङ र फुटबलका सनम लिम्बु मनोनयन गरेको थियो भने महिलातर्फ जुडोक्रसकी दीपिका आचार्य र बक्सिङकी जुनु र प्रशिक्षकतर्फ करातेका किरण लामा र बक्सिङका निमा तामाङ मनोनयनमा परेको थियो । कार्यक्रममा विभिन्न राजनीतिक दलका प्रतिनिधिहरू, विभिन्न खेलकुद विधाका खेलाडीहरू लगायत विभिन्न सङ्घ संस्थाहरूको सहभागिता रहेको थियो । गोरखापत्र

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...