अस्पतालमै पुगेर दिइयो नागरिकता

Published on

काठमाडौं । बिदाको दिनमा नागरिकता तथा परिचयपत्र दिएको जिल्ला प्रशासन कार्यालय स्याङ्जाले अस्पतालको शय्यामै पुगेर नागरिकता दिएको छ । गत जेठ ८ गते स्याङ्जा बिरुवा गाउँपालिका–५ का विमल शर्मा घाँस झार्ने क्रममा रुखबाट खसेर घाइते हुनुभएको थियो । मेरुदण्ड भाँचिएर पोखरास्थित मणिपाल शिक्षण अस्पताल पोखरामा उपचाररत शर्मालाई शय्यामै पुगेर नागरिकता दिइएको हो । नागरिकता अभावका कारण उपचारका क्रममा पाउने सेवासुविधा लिन असहज अवस्थामा प्रशासनले अस्ताल पुगेर २२ वर्षीय शर्मालाई ४२–०१–८१–००७९३ नम्बरको नागरिकता प्रदान गरेको हो । प्रशासकीय अधिकृत संयोग भट्टराई र नायब सुब्बा रामप्रसाद पौडेलले अस्पतालमा पुगेर नागरिकता प्रदान गर्नुभएको हो ।

चिकित्सकले मेरुदण्ड भाँचिएकाले शर्मा हिँडडुल गर्न नमिल्ने भनेपछि भौतिक रूपमा उपस्थित गराउन नसकिने भएकाले अस्पतालमै पुगेर नागरिकताको प्रमाणपत्र प्रदान गरेको प्रशासकीय अधिकृत भट्टराईको भनाइ छ । नागरिकको दुःखमा साथ दिने प्रयास मात्र गरेको भन्दै प्रशासकीय अधिकृत भट्टराईले दुःखमा प्रशासन सबैको साथमा रहेको बताउनुभयो । घाइते शर्माले अस्पतालमै नागरिकता पाउँदा खुसी व्यक्त गर्दै आफू जस्तै दुःखमा परेका सबैलाई सहयोग गर्न आग्रह गर्नुभयो । गोरखापत्र

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...