शिक्षा मन्त्रालयमा शासकीय सुधार एकाइ

Published on

काठमाडौं । नागरिकका गुनासो छिटो सम्बोधन गर्न शिक्षा, विज्ञान तथा प्रविधि मन्त्रालयमा शासकीय सुधार एकाइ गठन गरिएको छ । मन्त्रालयका प्रशासन महाशाखा सहसचिव सुमन घिमिरेको नेतृत्वमा गठन गरिएको एकाइको सदस्यहरूमा शिक्षा तथा मानव स्रोत विकास केन्द्रका शासकीय सुधार हेर्ने उपमहानिर्देशक, आर्थिक प्रशासन शाखा, योजना तथा बजेट शाखा र कानुन तथा फैसला कार्यान्वयन शाखाका प्रमुख सदस्य रहने मन्त्रालयले जनाएको छ ।

त्यस्तै पाठ्यक्रम विकास केन्द्रका उपसचिव, प्राविधिक शिक्षा तथा व्यावसायिक तालिम परिषद्ले तोकेका उपनिर्देशक र आन्तरिक व्यवस्थापन शाखाका प्रमुख पनि सदस्य रहने मन्त्रालयले जनाएको छ । सुशासन (व्यवस्थापन तथा सञ्चालन) ऐन, २०६४ मा भएको व्यवस्था अनुसार एकाइको गठन गरिएको हो । उक्त ऐनको दफा २९ मा यस्तो व्यवस्था छ । शासकीय सुधारको मान्यता अनुरूप मन्त्रालयबाट सम्पादन हुने कार्यलाई सुधार गर्ने नीति एकाइले लिएको छ । एकाइमार्फत मन्त्रालयसँग सम्बन्धित कामका विषयमा गुनासो प्राप्त भएको १५ दिनभित्र सम्बोधन गर्ने र वेबसाइटमार्फत विवरण सार्वजनिक गरिने शिक्षा, विज्ञान तथा प्रविधिमन्त्री सुमना श्रेष्ठले बताउनुभयो । मन्त्रालयबाट सम्पादन हुने कामसम्बन्धी कानुन, नीति र कार्यविधि निर्माण एवं सुधारका लागि सूचना, सल्लाह र पृष्ठपोषण उपलब्ध गराउने काम पनि एकाइले गर्ने मन्त्रालयले जनाएको छ । त्यस्तै सार्वजनिक प्रशासन र व्यवस्थापनका नवीनतम मान्यताको प्रयोगबाट कार्यालयको कार्यसम्पादनको गुणस्तरमा सुधार ल्याउन प्रयासरत रहने, शासकीय सुधारको सम्बन्धमा तालिम, गोष्ठी र अन्तर्क्रिया सञ्चालन गर्ने काम पनि एकाइले गर्ने छ । एकाइले हरेक महिना कार्यप्रगति विवरण मन्त्रालयका सचिव र मन्त्रीसमक्ष पेस गर्ने छ ।

ताजा समाचार

योगलाई आधुनिक जीवनशैलीका दूष्परिणाम न्यूनीकरण गर्ने पद्धतिका रूपमा स्थापित गरौँः प्रधानमन्त्री

काठमाडौँ । प्रधानमन्त्री पुष्पकमल दाहाल ‘प्रचण्ड’ले योग र साधनालाई शिक्षा, जीवन र व्यवहारमा जोड्दै...

भारतले लिने भयो रक्तचन्दन

काठमाडौँ । नेपालमा अवैध ओसारपसार भई थन्किएर रहेको रक्तचन्दन भारतले फिर्ता लैजाने भएको छ ।...

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...