राष्ट्रिय सडक सञ्जालमा जोडिएन सिमकोट

Published on

काठमाडौं । यस आर्थिक वर्षमा पनि हुम्लाको सदरमुकाम सिमकोट राष्ट्रिय सडक सञ्जालसँग नजोडिने भएको छ । सडक निर्माण कार्य पूरा भए पनि कर्णाली कोरिडोरको खार्पुनाथ गाउँपालिकाको खार्पुमा रहेको दोजाम कर्णालीमाथि पुल निर्माण हुन नसकेका कारण सदरमुकाम सिमकोट सडक सञ्जालसँग नजोडिने भएको हो ।

जिल्ला समन्वय समितिका प्रमुख शिवराज शर्माले अझै पनि सिमकोट राष्ट्रिय सडक सञ्जालमा जोडिन मुस्किल भएको बताउनुभयो । हालसम्म देशकै एक मात्र जिल्ला सदरमुकाम राष्ट्रिय सडक सञ्जालसँग जोडिन सकेको छैन । दोजाम कर्णालीमा पुल निर्माणको काममा ढिलाइ भएका कारण तत्कालका लागि जिल्लावासीले सोही स्थानमा बेलिब्रिज निर्माणको माग गरेका छन् । हाललाई दोजाम कर्णालीमा बेलिब्रिज नबने चार वर्षसम्म सदरमुकाम सिमकोट राष्ट्रिय सडक सञ्जालसँग जोडिने सम्भावना नरहेको उहाँले बताउनुभयो  । उक्त खण्ड हेर्दै आएको हिल्सा–सिमकोट सडक आयोजनाका योजना प्रमुख बेलबहादुर नेपालीले यो वर्ष सदरमुकाम सिमकोट राष्ट्रिय सडक सञ्जालसँग जोडिन नसक्ने स्वीकार गर्नुभयो । तत्काल जोड्ने उपाय दोजाम कर्णालीमा बेलिब्रिज निर्माण रहेको तर बेलिब्रिज निर्माण गर्ने सम्भावना पनि नदेखिएका कारण यो वर्ष सडक नजोडिने उहाँले बताउनुभयो । सो स्थानमा निर्माणाधीन पक्की पुलको कामले गति लिन सकेको छैन । कोरिडोरकै असजिलो दुल्ली कुनादेखि लालीबगरसम्मको असजिलो छारेभिरलाई छिचोलेर नेपाली सेना सडकको अन्तिम रूप दिने तयारीमा रहेको छ । उक्त सडकमा हाल निर्माण कार्य अन्तिम चरणमा रहेको र दैनिक चार घण्टा यातायातका साधन सुचारु हुँदै आएका छन् । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...