निर्माण व्यवसायी सम्पर्कविहीन

Published on

काठमाडौं । नेपाल कृषि अनुसन्धान परिषद् (नार्क) का वैज्ञानिकले वर्षाका कारण यस पटक धान उत्पादनमा वृद्धि हुने अनुमान गरेका छन् । आगामी मनसुनमा सरदरभन्दा बढी वर्षा हुने अनुमान जल तथा मौसम विज्ञान विभागले गरेको छ । पर्याप्त पानी पर्‍यो भने धानको उत्पादनमा वृद्धि हुने धानका वैज्ञानिक रामवरण यादवले बताउनुभयो । धान खेतीका लागि २५ सय मिलिलिटर पानी आवश्यक पर्ने गरेको बताउँदै उहाँले कतिपय ठाउँमा क्षेत्रमा औसत करिब नौ सय मिलिलिटर पानी पर्छ तर १५ सय मिलिलिटरभन्दा बढी पानी पर्‍यो भने धानका लागि राम्रो हुने गरेको बताउनुभयो । औषतमा १५ सय मिलिलिटर पानी बढी पानी पर्ने सम्भावना रहेको उहाँले बताउनुभयो । नेपाल कृषि अनुसन्धान परिषद् (नार्क) अन्तर्गतको राष्ट्रिय कृषि वातावरण अनुसन्धान केन्द्रका प्रमुख डा। ध्रुवराज भट्टराईले विभिन्न रिपोर्ट हेर्दा यस पटकको मनसुनमा सरदरभन्दा बढी पानी पर्ने भएकाले धान उत्पादनमा वृद्धि हुने अनुमान गर्न

सकिने बताउनुभयो । तर सबैतिर एकैनासको पानी नपर्ने भएकाले कतै खडेरी र कतै धान उत्पादन हुने सम्भावना देखिएको बताउनुभयो । नेपालमा कहिल्यै पनि एकनासले पानी परेको छैन, कतै धेरै पानी त कतै सुक्खा हुने गरेको देखिएको छ तर यस पटक औसतमा सबैतिर राम्रै पानी पर्ने अनुमान गरिएको उहाँले बताउनुभयो । सुदूरपश्चिम प्रदेशको उत्तरीपश्चिम भूभाग, बागमती प्रदेशको दक्षिणपूर्वी भूभाग, मधेश प्रदेशको मध्य भूभाग र कोशी प्रदेशको मध्य तथा मध्यपश्चिम भूभागमा सरदरभन्दा बढी वर्षा हुने अनुमान गरिएको उहाँले बताउनुभयो । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...