प्युठानका नौ पालिका खोपयुक्त घोषणा

Published on

काठमाडौं । जिल्लाका नौ स्थानीय तहलाई खोप सुनिश्चित्ता तथा दिगोपना पालिका घोषणा गरिएको छ । जिल्लाका दुई वटा नगरपालिका र सात वटा गाउँपालिकालाई खोपयुक्त घोषणा गरिएको हो ।

स्थानीय तहले आफ्नो पालिकाभित्र खोप लगाउनु पर्ने बालबालिकाको सर्वेक्षण गरेर खोपयुक्त पालिका घोषणा गरिएको छ । सर्वेक्षणका क्रममा खोप लगाउन छुटेका, पूरा मात्रा खोप नलगाएका बालबालिकालाई खोपको दायरामा ल्याएर खोपयुक्त पालिका घोषणा गरिएको छ । झिमरुक गाउँपालिका स्वास्थ्य शाखा प्रमुख बिकास केसीले पालिकाभित्र खोप लगाउनुपर्ने सबै बालबालिकालाई खोप लागाइएको बताउनुभयो । पालिकाले सर्वेक्षण गर्दा एक जनाले एउटा पनि खोप नलगाएको र चार जनाले पूरा मात्रा खोप नलगाएको भेटिएको थियो । जिल्ला खोप समन्वय समितिका संयोजक तथा जिल्ला समन्वय समिति प्युठानका प्रमुख धरमबहादुर जिसीले अभियानको दिगोपनाका लागि सबै सरकारले लगानीको दायरा बढाउन पहल गर्नुपर्ने बताउनुभयो । उहाँले स्वास्थ्यजस्तो संबेदनशील बिषयमा आमनागरिक सचेत हुनुपर्ने बताउनुभयो । स्वास्थ्य कार्यालय प्युठानका प्रमुख हेमराज पाण्डेले वर्षैपिच्छे गरिने कार्यक्रम भएकाले स्थानीय सरकारले प्राथमिकता दिएर लैजानुपर्ने बताउनुभयो । उहाँले खोप जनताले पाउँदा निःशुल्क पाए पनि राज्यले धेरै लगानी गरेको बताउनुभयो । खोप कार्यक्रममा एक ब्यक्ति बराबर करिब ४० देखि ४५ हजार रुपियाँ खर्च आउने बताउनुभयो । उहाँले विभिन्न ठाउँमा खोप केन्द्र बनाइ दिन स्थानीय सरकारलाई आग्रह गनुभयो । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...