काठमाडौं । दाङको घोराहीमा रहेको राप्ती स्वास्थ्य विज्ञान प्रतिष्ठानका लागि आवश्यक जग्गा ल्याउन पहल थालिएको छ । प्रतिष्ठानले एमविविएसको कार्यक्रम सञ्चालन गर्ने तयारी स्वरुप आवश्यक जग्गा ल्याउनका लागि पहल थालेको हो ।
घोराही उपमहानगरपालिका–१८ नवलपुरमा रहेको जग्गा प्रतिष्ठानको नाममा ल्याउनका लागि पहल भइरहेको प्रतिष्ठानका रजिष्ट्रार श्याम लम्सालले जानकारी दिनुभएको छ । विगत ७ वर्षदेखि प्रयास भएपनि काम सफल हुन नसकेको भन्दै प्रतिष्ठानका रजिष्ट्रा लम्सालले यस पटक जग्गा ल्याउने गरि काम भइरहेको जानकारी दिनुभएको छ । जग्गा प्राप्तका लागि जिल्ला प्रशासन कार्यालय दाङसहित विभिन्न सरकारी निकायसंगको समन्वय र सहयोगमा छलफल प्रक्रिया अघि भएको बताउनुभयो । उहाँले भन्नुभयो, अहिले प्रतिष्ठानको भौतिक संरचनामा एमविविएस पढाइका लागि काम लाग्ने भएकाले एमविविएस पढ्ने बिद्यार्थी र प्राध्यापकहरुलाई आवासको सुविधाका थप जग्गा आवश्यक रहेकाले जग्गाको व्यवस्थापन गर्ने काम भइरहेको छ । जग्गा प्राप्तका लागि छलफलसँगै नवलपुरमा रहेको साढे ५ विगाहा जग्गाको वातावरणीय प्रभाव मुल्याङ्कन गर्ने काम भइरहेको बताउनुभएको छ । प्रतिष्ठानका उपकुलपति डा विकास लामिछानेले प्रतिष्ठानको नाममा आवश्यक प्रक्रिया पुरा गरेर उक्त जग्गा ल्याउन सकिए जिल्लामा स्वास्थ्य तथा शैक्षिक क्षेत्रको विकासमा सहयोग पुग्ने बताउनुभएको छ । गोरखापत्र