म्याद गुज्रिएका खाद्य सामग्री नष्ट

Published on

काठमाडौं । गोरखाको धार्चे गाउँपालिकाका विभिन्न वडाहरुमा सञ्चालन भएका पसलहरुमा म्याद गुज्रिएको खाद्य सामग्री नष्ट गरिएको छ । सोमबार गाउँपालिकाको उपभोक्ता हित संरक्षण तथा बजार अनुगमन समितिले बजार अनुगमन गर्दा सबै पसलहरुमा म्याद गुज्रिएको सामान भेटिएकाले सामान नष्ट गरिएको गाउँपालिकाका उपाध्यक्ष सुनिला गुरुङले जानकारी दिनुभयो । उहाँका अनुसार अनुगमनका क्रममा बालबालिकाले प्रयोग गर्ने चकलेट, केक, आईसक्रिम, लड्ड तथा पेय पदार्थहरुको मिति गुज्रिएको पाइएकाले नष्ट गरिएको हो । धार्चे गाउँपालिकाको हुल्चुक, उहियाँ, गुम्दा, लापुमा रहेका सबै पसल तथा होटेलहरुमा अनुगमन गर्दा म्याद गुज्रिएको पाइएपछि समितिले अबदेखि सामन खरीद तथा बिक्री गर्दा मिति हेरेर मात्र खरीद बिक्री गर्न सचेत गराइएको उपाध्यक्ष्य गुरुङको भनाइ छ । गोरखाका उत्तरी भेगका ब्यापारीहरुले सामानको म्याद नहर्ने भएकाले पनि डिलरबाट आएका बिक्रेताहरुले म्याद गुज्रिएको सामान छोडेर जाने भएकाले पनि अत्यधिक मात्रामा म्याद गुज्रेका सामनाहरु भेटिएको धार्चे गाउँपालिकाका प्रमुख प्रशासकिय अधिकृत काजीमान सुनारले बताउनुभयो ।

अनुगमन समितिले डिलरबाट आएका सामान फिर्ता गर्ने सर्तमा सामानहरु सील गरेर सम्बन्धित व्यापारीलाई नै छाडिएको साथै बाँकी सामान भने जलाएर नष्ट गरिएको गाउँपालिकाले जनाएको छ । पालिकाका वडाहरुमा पहिलो पटक वडा स्तरमा पुगेर अनुगमन गरिएकाले व्यापारीहरुलाई सचेत गराउने काम पनि गरिएको हो । अनुगमनका क्रममा नेपाल प्रहरीका प्रतिनिधि, स्वास्थ्य शाखाका प्रमुख अमृत घले, उद्योग वाणिजय संघ माछीखोला इकाईका अध्यक्ष धन कुमार गुरुङ एवम् सामाजिक शाखा प्रमुख धनकुमारी दुराको समेत सहभागिता रहेको थियो । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...