अपाङ्गता रोकथाम तथा पुनः स्थापना कार्यक्रम सञ्चालन हुने

Published on

काठमाडौं । ताप्लेजुङको मिक्वाखोला गाउँपालिकामा अपाङ्गता रोकथाम तथा पुनः स्थापना कार्यक्रम सञ्चालन हुने भएको छ । करुणा फाउन्डेसन नेपालसँगको साझेदारीमा अपाङ्गता रोकथाम तथा पुनः स्थापना कार्यक्रम सञ्चालन हुने भएको हो । उक्त कार्यक्रम सञ्चालन गर्न मिक्वाखोला गाउँपालिका र करुणा फाउन्डेसन नेपालबिच आइतबार सम्झौता भएको छ । मिक्वाखोला गाउँपालिका अध्यक्ष भक्तबहादुर कार्की र करुणा फाउन्डेसन नेपालकी वरिष्ठ कार्यक्रम व्यवस्थापक रुपा सिवाकोटीले सम्झौता पत्रमा हस्ताक्षर गर्नुभएको छ । गाउँपालिका अध्यक्ष कार्कीका स्वकीय सचिव घनेन्द्र थापाका अनुसार कार्यक्रम तीन वर्षसम्म सञ्चालन हुनेछ ।

अपाङ्गता रोकथाम तथा पुनः स्थापना कार्यक्रम आगामी साउन महिनादेखि सुरु भएर २०८४ साल असार मसान्तसम्म सञ्चालन हुने थापाले बताउनुभयो । कार्यक्रमका लागि कोशी प्रदेश सरकार, सामाजिक विकास मन्त्रालय र गाउँपालिकाको लागत साझेदारी हुने उहाँले जानकारी दिनुभयो । करुणा फाउन्डेसन नेपालले भने प्राविधिक सहयोगसमेत गर्ने छ । कार्यक्रमका लागि आगामी आर्थिक वर्ष २०८१\०८२ मा ४६ लाख १८ हजार ९५० रुपियाँ खर्च गरिने छ । उक्त कुल बजेटमध्ये गाउँपालिका, सामाजिक विकास मन्त्रालय र करुणा फाउन्डेसनको समान १५ लाख ३९ हजार ६५० रुपियाँ रहेको छ । अपाङ्गता रोकथाम र पुनःस्थापनामा आधारित विभिन्न क्रियाकलापमा बजेट खर्च हुने पनि गाउँपालिका अध्यक्ष कार्कीका स्वकीय सचिव थापाले जानकारी दिनुभयो । कार्यक्रम सम्झौताको रोहबरमा गाउँपालिका उपाध्यक्ष डण्डु लामा शेर्पा, प्रमुख प्रशासकीय अधिकृत अर्जुनदेव योङ्या, करुणा फाउन्डेसन नेपालका जिल्ला संयोजक केदार भण्डारी, पालिका संयोजक प्रदीपकुमार जोशीलगायत बस्नुभएको छ । यसअघि मेरिङ्देन गाउँपालिकामा पनि अपाङ्गता रोकथाम तथा पुनः स्थापना कार्यक्रम सञ्चालन गर्न गाउँपालिका र करुणा फाउन्डेसनबिच सम्झौता भइसकेको छ ।

ताजा समाचार

गर्भवती महिलाको हेलिकोप्टरबाट उद्धार

काठमाडौं । शनिबार बिहान सुत्केरी बेथा लागेका एक जना गर्भवती महिलाको हेलिकोप्टरबाट उद्धार गरिएको...

एक वर्षमा सर्पको टोकाइबाट १० जनाको मृत्यु

काठमाडौं । यही असार १२ गते दिउँसो घर नजिकै बारीमा घाँस काट्दै गरेका तुलसीपुर...

धानमा किराको समस्या, किसानलाई उत्पादन घट्ने चिन्ता

काठमाडौं । जोरायल गाउँपालिकामा–३ कोलामा रोपिएको हंसराज बास्मती धानमा किरा देखा परेको छ ।...

प्यालेस्टिनी भूमिमा इजरायली कब्जाबारे सल्लाहकार राय दिन अदालतको आदेश

काठमाडौं । अन्तर्राष्ट्रिय न्याय अदालत (आईसीजे) ले प्यालेस्टिनी क्षेत्रहरूमा इजरायलको कब्जाको कानुनी परिणामको बारेमा...