‘सशक्त र प्रभावकारी माध्यम चलचित्र’

Published on

काठमाडौं । सञ्चार तथा सूचना प्रविधिमन्त्री रेखा शर्माले आमसञ्चारको सबैभन्दा सशक्त र प्रभावकारी माध्यम चलचित्र भएकाले मनोरञ्जन मात्र नभई सकारात्मक सन्देश प्रवाह गरिनुपर्ने बताउनुभएको छ ।

मन्त्री शर्माले पछिल्लो समय हामीले जुन ढङ्गले चलचित्रको विकास गर्ने भन्ने नीति लिएका छौँ त्यसलाई कसरी परिणाममा पु¥याउने भन्ने हाम्रो मुख्य चुनौती र कार्यभार भएको बताउनुभयो । सरकारका प्रवक्ता शर्माले चलचित्र विकास बोर्डले २४ औँ वार्षिकोत्सवका अवसरमा आइतबार आयोजित कार्यक्रममा यस्तो धारणा व्यक्त गर्नुभएको हो । कार्यक्रममा विकास बोर्डका कर्मचारीलाई पुरस्कार तथा प्रमाणपत्र प्रदान गरिएको थियो । मन्त्री शर्माले चलचित्र मञ्च र नेपाली चलचित्र क्षेत्रका महिला कलाकारको अभिलेख भएको पुस्तक सार्वजनिक गर्नुभएको थियो । मन्त्री शर्माले हामीले प्राप्त गरेका उपलब्धिको गम्भीर समीक्षा गर्दै आगामी दिनमा कसरी अगाडि बढ्ने भन्ने नीति तय गर्नुहुने छ भन्ने विश्वास आफूले लिएको बताउनुभयो । उहाँले महिला चलचित्रकर्मीको मात्र अभिलेख राखेको पुस्तक निकाल्यो भनेर विरोध हुन सक्ने चर्चा गर्दै भन्नुभयो, “यो सुरुवात हो । यो अभिलेखीकरण गरेर राख्दा उहाँहरूप्रतिको सम्मान पनि हो । अहिलेका पुस्ताले हिजोका पु्स्तालाई कुन कष्टले कुन अफ्ठ्याराको बिचबाट चलचित्र क्षेत्रमा लाग्नुभएको थियो भन्ने बुझ्ने एउटा इतिहास पनि हो ।

उहाँले भन्नुभयो, “सबैको चिन्ताको विषय व्यवस्था बदलियौँ तर अवस्था बदल्न सकेनौँ भन्ने नै हो । हिजो व्यवस्था बदल्ने बेलामा थुप्रै कलाकर्मीले ज्यान गुमाउनुभएको थियो ।” उहाँले भन्नुभयो, “साहित्य कला भन्ने यस्तो कुरा रहेछ, जसले मान्छेको मन सजिलै परिवर्तन गर्न सक्छ । यो क्षेत्रका कलाकारका जुन समस्य छन्, हामीले सुनिरहेका छौँ । सबै चलचित्रकर्मीले जुन ढङ्गले व्यक्तिगत रूपमा समस्या भोग्नुभएको छ । राज्यको त्यता पनि ध्यान केन्द्रित भइरहेको छ । उहाँका अनुसार विकास बोर्डमा कोष स्थापना गरेर त्यसको पनि केही मात्रामा समाधान गर्ने कोसिस भइरहेको छ । यसका निम्ति आउने बजेटमा अझ बढाउने भनेर बोर्ड र मन्त्रालय निरन्तर छलफलमा पनि रहेको उहाँको भनाइ छ । मन्त्रालयका सचिव रामकृष्ण सुवेदीले वार्षिकोत्सवको उपल्यक्षमा सम्पूर्णलाई शुभकामना व्यक्त गर्नुभयो ।

ताजा समाचार

परराष्ट्रमन्त्री डा राणासँग अमेरिकी राजदूतको शिष्टाचार भेट

काठमाडौं । परराष्ट्रमन्त्री डा आरजु राणा देउवासँग नेपालका लागि अमेरिकी राजदूत डिन आर थम्पसनले...

प्रदर्शनकारीद्वारा बङ्गलादेशका सरकारी भवनमा आागजनी

काठमाडौं । बङ्गलादेशमा जारी आरक्षणविरोधी आन्दोलनका क्रममा प्रदर्शनकारीले एकैदिन धेरै सरकारी भवनमा आगो लगाइदिएका...

ओलम्पिकमा सहभागी हुन जाने नेपाली टोलीको बिदाइ

काठमाडौं । राष्ट्रपति रामचन्द्र पौडेलले ३३औँं गृष्मकालीन पेरिस ओलम्पिकमा सहभागी हुन जाने नेपाली खेलाडीलाई...

भगवानको कृपाले म बाँचे : पूर्वराष्ट्रपति ट्रम्प

काठमाडौं । पूर्व अमेरिकी राष्ट्रपति एवम् रिपब्लिकन राष्ट्रपति पदका उम्मेदवार डोनाल्ड ट्रम्पले आइतबार भएको...