‘बजेटमाथि छलफल सुरु हुन सकेन’

Published on

काठमाडौं । आगामी आर्थिक वर्ष २०८१–८२ का लागि ल्याएको बजेट अरु प्रदेशले पारित गरिसक्दा समेत सुदूरपश्चिम प्रदेशमा बजेटमाथि छलफल सुरु हुन सकेको छैन । प्रदेश सरकारले बजेट सार्वजनिक गरेको तीन साता पुग्न लाग्दासम्म बजेटमाथि छलफल सुरु हुन नसकेको हो । गएको असार १ गते आगामी आर्थिक वर्षका लागि आर्थिक मामिलामन्त्री सुरेन्द्रबहादुर पालले ३१ अर्ब ६२ करोड ९८ लाख २८ हजारको बजेट प्रस्तुत गर्नु भएको थियो । संसदीय व्यवस्थामा प्रदेश सभामा बजेटमाथि छलफल गरेर सर्वसम्मत वा बहुमतले पारित गर्ने व्यवस्था रहेको छ । बजेटमाथि अहिलेसम्म सभामा छलफल सुरु नभएको प्रदेश सभा सचिवालयका सूचना अधिकारी युवराज जैसीले जानकारी दिनुभयो । सत्तारुढ दल नेकपा (एमाले) ले भने सदन नचलेका कारण बजेटमाथि छलफल सुरु हुन नसकेको जनाएको छ । “बजेटमाथि छलफल गर्न सदन चल्नु पर्छ”, एमाले संसदीय दलका नेता एवम् पूर्व मुख्यमन्त्री राजेन्द्रसिंह रावलले भन्नुभयो, “सदन चलेको छैन । कसरी छलफल हुनु रु”

सुदूरपश्चिम प्रदेश सभाको पछिल्लो बैठक असार १ गते बसेको थियो । सभामुख भीमबहादुर भण्डारीले अर्को सूचना जारी नगरुञ्जेल अनिश्चित समयसम्मका लागि बैठक स्थगित गर्नुभएको छ । पछिल्लो परिवर्तित राजनीतिक घटनाका कारण सुदूरपश्चिम प्रदेश सरकारले आगामी आर्थिक वर्षका लागि ल्याएको बजेट पास हुने वा नहुने अन्यौलता बढेको छ । नेपाली कांग्रेस र नेकपा (एमाले)बिच भएको सत्ता समिकरण सहमतिले प्रदेश सरकार अल्पमतमा पर्ने देखिएको छ । सत्तारुढ दल एमालेले प्रदेश सरकारलाई दिएको समर्थन फिर्ता लिएमा बजेट पास नहुँदै सरकार ढल्ने सम्भावना छ । गोरखापत्र

ताजा समाचार

परराष्ट्रमन्त्री डा राणासँग अमेरिकी राजदूतको शिष्टाचार भेट

काठमाडौं । परराष्ट्रमन्त्री डा आरजु राणा देउवासँग नेपालका लागि अमेरिकी राजदूत डिन आर थम्पसनले...

प्रदर्शनकारीद्वारा बङ्गलादेशका सरकारी भवनमा आागजनी

काठमाडौं । बङ्गलादेशमा जारी आरक्षणविरोधी आन्दोलनका क्रममा प्रदर्शनकारीले एकैदिन धेरै सरकारी भवनमा आगो लगाइदिएका...

ओलम्पिकमा सहभागी हुन जाने नेपाली टोलीको बिदाइ

काठमाडौं । राष्ट्रपति रामचन्द्र पौडेलले ३३औँं गृष्मकालीन पेरिस ओलम्पिकमा सहभागी हुन जाने नेपाली खेलाडीलाई...

भगवानको कृपाले म बाँचे : पूर्वराष्ट्रपति ट्रम्प

काठमाडौं । पूर्व अमेरिकी राष्ट्रपति एवम् रिपब्लिकन राष्ट्रपति पदका उम्मेदवार डोनाल्ड ट्रम्पले आइतबार भएको...