राङदी खोलामा झलुङगे पुल निर्माण

Published on

काठमाडौं । गोरखाको शहिदलखन गाउँपालिका १ र २ जोड्ने राङदी खोलामा झोलुङ पुल निर्माण भएको छ। गाउँपालिकाको वडा नम्बर १ को बक्राङ र २ नम्बर वडाको मनकामना जोड्ने राङदी खोलामा ८८ मिटरको झोलुङगे पुल निर्माण भएको हो। पुल निर्माण भएसँगै मनकामनादेखि बक्राङ हुँदै पृथ्वीराजमार्ग अन्तर्गत तीन किलोमा पैदल यात्राको लागि आवतजावतमा सहज भएको वडा नम्बर १ का वडा अध्यक्ष प्रेम गुरुङले जानकारी दिनुभयो। उहाँका अनुसार पक्की झोलुङगे पुल नहुदाँ बक्राङका स्थानीय आफैले बनाएको काठको पुलबाट कष्टकर रुपमा आवतजावत गर्दै आएका थिए।

शहिद लखन गाउँपालिका १ र २ नम्बरका वडाका बासिन्दा तनुहँको आँबुखैरेनी र गोरखा सदरमुकामसम्म पुग्न बर्खाको बेला असाध्यै समस्या भएको थियो वडा अध्यक्ष गुरुङले भन्नुभयो, “पुल बनेपछि आबतजाबतमा सहज हुनुका साथै दुरी छोटो भएको उहाँको भनाइ छ। शहिद लखन गाउँपालिकाका इन्जिनियर राजन रानाभाटका अनुसार पुल निर्माणका संघीय सरकारका सर्सत अनुदान तर्फको बजेटमा शहिद लखन गाउँपालिकाको थप १३ लाख बजेट विनियोजन गरी २०८० साल माघ १४ गते हिमाली क्षेत्र विकास केन्द्र सँग ५६ लाख ६४ हजार ५ सय ३७ रुपैयाँ २४ पैसामा ठेक्का सम्झौता भएर २०८१ असोज मसान्तसम्म सम्पन्न गर्नुपर्ने सम्झौतामा उल्लेख भएको थियो। सम्झौता भएको ३ महिनामै पुल निर्माण सम्पन्न भएपछि बक्राङको कालथोक, भोक्टेनी, खहरे र बासगरा टोल लगाएतका स्थानीयलाई सहजता भएको छ। निर्माण कम्पनीले समयम भन्दा ३ महिना अघि नै काम सम्पन्न गरेर १ र २ नम्बर वडाका ४२० घरधुरीका २५२० जना जनसंख्यालाई त्यस पुलबाट प्रत्यक्ष लाभान्वित भएको शहिद लखन गाउँपालिकाका इन्जिनियर रानाभाटले बताउनुभयो। गोरखापत्र

ताजा समाचार

गर्भवती महिलाको हेलिकोप्टरबाट उद्धार

काठमाडौं । शनिबार बिहान सुत्केरी बेथा लागेका एक जना गर्भवती महिलाको हेलिकोप्टरबाट उद्धार गरिएको...

एक वर्षमा सर्पको टोकाइबाट १० जनाको मृत्यु

काठमाडौं । यही असार १२ गते दिउँसो घर नजिकै बारीमा घाँस काट्दै गरेका तुलसीपुर...

धानमा किराको समस्या, किसानलाई उत्पादन घट्ने चिन्ता

काठमाडौं । जोरायल गाउँपालिकामा–३ कोलामा रोपिएको हंसराज बास्मती धानमा किरा देखा परेको छ ।...

प्यालेस्टिनी भूमिमा इजरायली कब्जाबारे सल्लाहकार राय दिन अदालतको आदेश

काठमाडौं । अन्तर्राष्ट्रिय न्याय अदालत (आईसीजे) ले प्यालेस्टिनी क्षेत्रहरूमा इजरायलको कब्जाको कानुनी परिणामको बारेमा...