७० प्रतिशत अनुदानमा छ सय विद्युतीय चुलो वितरण

Published on

काठमाडौं । कालीगण्डकी गाउँपालिकामा छ सय विद्युतीय चुलो वितरण गरिएको छ । वैकल्पिक ऊर्जा प्रवर्द्धन केन्द्रको ७० प्रतिशत आर्थिक सहयोग र गाउँपालिकाको सहजीकरणमा छ सय विद्युतीय चुलो वितरण गरेको प्रशासकीय अधिकृत नरेश गिरीले जानकारी दिनुभयो ।

पालिका भित्रका नागरिकहरूलाई एलपी (खाना पकाउने)ग्यास भन्दा विद्युतीय चुलो सस्तो पर्ने भएकाले ३० प्रतिशत उपभोक्ताको लगानीमा चुलो वितरण गरिएको हो । पालिका भित्रका सात वटै वडा मार्फत चुलो वितरण गर्ने कार्य भइरहेको उहाँको भनाइ छ । चुलो लिँदा उपभोक्ताले ३० प्रतिशत अर्थात् एक हजार १०८ रुपियाँ भुक्तान गर्नुपर्ने हुन्छ । चुलो लिनका लागि इच्छुकले नागरिकताको प्रतिलिपीसहित स्वंयम उपस्थित हुनुपर्ने कालीगण्डकी गाउँपालिका वडा नम्बर एकका सामाजिक परिचालक मनिका बस्यालले बताउनुभयो । उहाँका अनुसार वडाबाट चुलो वितरण गर्ने कार्य जारी छ ।

विद्युतीय चुलोको प्रयोगमा खाना पकाउने ग्यास भन्दा सस्तो पर्ने, समयको पनि बचत हुने उपभोक्ता विष्णु पाण्डेले बताउनुभयो । पछिल्लो समयमा विद्युतीय चुलो प्रयोग गर्नका लागि सरकारले लिएको नीति र विद्युतको सहजता भएकाले पनि आफूले विद्युतीय चुलो लिएको उहाँको भनाइ छ । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...