अरुण नदिमा बाढी : डाईभर्सन बाँध माथिबाट बग्न थाल्यो पानी

Published on

काठमाडौं । अरुण तेस्रो जलविद्युत आयोजनाको बाँध निर्माण स्थलको अस्थायी बाँध माथिबाट पानी बग्न थालेको छ । जलविद्युत आयोजनाको डाईभर्सन टनेलबाट पनि पानी पूर्णरुपमा बग्न थालेको छ ।

शनिबार बिहान अरुण नदिमा आएको बाढीका कारण टनेल भित्र ढुङ्गा तथा मुडा जम्मा भएपछि पानी बग्न अवरोध भएको थियो । त्यसपछि पानी टनेलतर्फ पठाउन बनाइएको बाँध भरिएको थियो । अहिले टनेल र बाँधमाथि गरी दुवैबाट पानी बग्न थालेको बताइएको छ । अरुण नदिमा माथिल्लो क्षेत्रबाट नै ठुलो बाढी आएको मकालु गाउँपालिकाका अध्यक्ष ओङ्दी छिरिङ शेर्पाले जानकारी दिनुभयो । अरुण नदिको बहाब भोटखोला क्षेत्रमा नै ठुलो रहेको खबर प्राप्त भएको उहाँले जानकारी दिनुभयो । शनिबार बिहान करिव ७ बजेदेखि पानीको बहाब बढ्दो रहेको अध्यक्ष शेर्पाले बताउनुभयो ।

अहिले डाईभर्सन टनेलबाट पूर्ण क्षमतामा पानी बगेको भए पनि त्यहाँबाट नअटेर बाँध माथिबाट बगिरहेको उहाँ बताउनुहुन्छ । अरुण नदिमा पानीको बहाब बढेपछि तल्लो तटीय क्षेत्रमा जोखिम बढेको छ । चिचिला गाउँपालिकाको सन्तले, पुखुवा, खाँदबारी नगरपालिकाको तुम्लिङटार लगायतको क्षेत्र उच्च जोखिममा रहेको छ । गोरखापत्र

ताजा समाचार

परराष्ट्रमन्त्री डा राणासँग अमेरिकी राजदूतको शिष्टाचार भेट

काठमाडौं । परराष्ट्रमन्त्री डा आरजु राणा देउवासँग नेपालका लागि अमेरिकी राजदूत डिन आर थम्पसनले...

प्रदर्शनकारीद्वारा बङ्गलादेशका सरकारी भवनमा आागजनी

काठमाडौं । बङ्गलादेशमा जारी आरक्षणविरोधी आन्दोलनका क्रममा प्रदर्शनकारीले एकैदिन धेरै सरकारी भवनमा आगो लगाइदिएका...

ओलम्पिकमा सहभागी हुन जाने नेपाली टोलीको बिदाइ

काठमाडौं । राष्ट्रपति रामचन्द्र पौडेलले ३३औँं गृष्मकालीन पेरिस ओलम्पिकमा सहभागी हुन जाने नेपाली खेलाडीलाई...

भगवानको कृपाले म बाँचे : पूर्वराष्ट्रपति ट्रम्प

काठमाडौं । पूर्व अमेरिकी राष्ट्रपति एवम् रिपब्लिकन राष्ट्रपति पदका उम्मेदवार डोनाल्ड ट्रम्पले आइतबार भएको...