सडक विस्तारमा ध्यान नदिँदा गाउँ नै अन्धकार

Published on

काठमाडौं । गुल्मीमा सडक विस्तारमा उचित ध्यान नदिँदा विद्युतको हाइटेन्सनको पोल पहिरोको जोखिममा परेको छ । पोलको उचित व्यवस्थापन नगरी सडक विस्तार गरेका कारण हुँगा फिडरका करिव दुई हजार घरधुरी शनिबार बिहानैदेखि लाइनविहीन छन् । जिल्लाको गुल्मीदरबार गाउँपालिकाको ४ बिरबास नजिकै मदन भण्डारी राजमार्गको सडक बिस्तारको क्रममा हाइटेन्सन पोल जोखिम अवस्थामा रहेकोे छ । सडक विस्तारको क्रममा पोलको उचित व्यवस्थापन नगरी बिस्तार गरेकाले समस्या आएको नेपाल विद्युत प्राधिकरण वितरण केन्द्रका प्रमुख अर्जुन पोखरेलले जानकारी दिनुभयो । पहिले नै आफूहरुले पोलको व्यवस्थापन गर्नका लागि आग्रह गर्दा गर्दै वेवास्था गर्दा समस्या आएको उहाँको भनाइ छ । कार्यालयमा आफूहरुसँग बजेट नभएकाले पोलको लागत अनुमान तयार गरी मदन भण्डारी रार्जमार्गलाई उपलब्ध गराएको पोखरेलको दाबी छ ।

यता मदन भण्डारी राजमार्ग आयोजना कार्यालय तम्घासका साइड इन्जिनियर दीपक बिकले स्पेस छोडेरै कटिड गरेको र पछि पहिरोका कारण जोखिम अवस्थामा रहेको बताउनुभयो । पहिले कार्यालयसंग बजेट नभएका कारण पोलको स्थानान्तरण गर्न नसकिएको उहाँको भनाइ छ । अहिले बिरबास सवस्टेसनबाट हुँगा फिडरमा जाने लाइन अवरुद्ध भएको नेपाल विद्युत प्राधिकरण वितरण केन्द्र गुल्मीले जनाएको छ । जोखिम बढी भएकाले लाइन काटिएको कार्यालयले जनाएको छ । जसका कारण दुइ हजार बढी घरधुरीमा लाइन नभएको कार्यालयले जनाएको छ । राजमार्गको सडकमा अन्य पोलहरु पनि जोखिम अवस्थामा रहेको पोखरेलले बताउनुभयो । शनिबार बिहानै देखि लाइन नहुँदा समस्या भएको त्यहाँका स्थानीयहरुले जनाएका छन् । गोरखापत्र

ताजा समाचार

परराष्ट्रमन्त्री डा राणासँग अमेरिकी राजदूतको शिष्टाचार भेट

काठमाडौं । परराष्ट्रमन्त्री डा आरजु राणा देउवासँग नेपालका लागि अमेरिकी राजदूत डिन आर थम्पसनले...

प्रदर्शनकारीद्वारा बङ्गलादेशका सरकारी भवनमा आागजनी

काठमाडौं । बङ्गलादेशमा जारी आरक्षणविरोधी आन्दोलनका क्रममा प्रदर्शनकारीले एकैदिन धेरै सरकारी भवनमा आगो लगाइदिएका...

ओलम्पिकमा सहभागी हुन जाने नेपाली टोलीको बिदाइ

काठमाडौं । राष्ट्रपति रामचन्द्र पौडेलले ३३औँं गृष्मकालीन पेरिस ओलम्पिकमा सहभागी हुन जाने नेपाली खेलाडीलाई...

भगवानको कृपाले म बाँचे : पूर्वराष्ट्रपति ट्रम्प

काठमाडौं । पूर्व अमेरिकी राष्ट्रपति एवम् रिपब्लिकन राष्ट्रपति पदका उम्मेदवार डोनाल्ड ट्रम्पले आइतबार भएको...