काठमाडौं । भन्सार छलेर नेपाल भित्र्याइदै गरेको सुनचाँदीका विभिन्न गहनासहित प्रहरीले एक जनालाई पक्राउ गरेको छ ।
जिल्ला प्रहरी कार्यालय प्रमुख प्रहरी उपरीक्षक रञ्जितसिंह राठौरले सात तोला १० लाल ७ प्वाइन्ट सुनका गहना र आठ किलो चाँदीका गहनासहित भारतको महाराजगन्ज जिल्ला नौतनुवास्थित कुरहवाका उपेन्द्र बर्मालाई पक्राउ गरिएको जानकारी दिनुभयो । उहाँका अनुसार युपी ५६ एडी ८०३६ नम्बरको मोटरसाइकलमा भारतमा गहना बनाएर नेपाल भित्र्याइदै गरेको आशङ्कामा बर्मालाई पक्राउ गरिएको हो । बरामद गहनासहित बर्मालाई आवश्यक कारबाहीका लागि शुक्रबार भैरहवा भन्सार कार्यालय बुझाइएको रुपन्देही प्रहरीले जनाएको छ । गोरखापत्र