काठमाडौं । कैलालीको धनगढीमा लागूऔषधसहित प्रहरीले एक युवतीलाई पक्राउ गरेको छ । धनगढी उपमहानगरपालिका–४ बसपार्कबाट दार्चुलाको महाकाली नगरपालिका–४ का २१ वर्षीया आरती धामी पक्राउ पर्नुभएको हो । धामीलाई २१० मिलिग्राम लागूऔषध (खैरो हेरोइन)सहित फेला पारी नियन्त्रणमा लिइएको सुदूरपश्चिम प्रदेश प्रहरी कार्यालयले जनाएको छ । धामीलाई नियन्त्रणमा लिई थप अनुसन्धान भइरहेको प्रहरीले जनाएको छ ।