प्रसारण लाइन सुधार गर्न पोल सारिँदै

Published on

काठमाडौं । तनहुँको सहरी क्षेत्रमा प्रसारण लाइन सुधारको काम धमाधम भइरहेको छ । सुधारको कामले गति लिएसँगै पृथ्वी राजमार्गको मुग्लिङ–पोखरा सडकखण्डको विस्तारको कामलाई सहज भएको छ । मुख्य बाधकका रूपमा रहेको बिजुलीको पोल सार्ने कामले गति लिएपछि सहज भएको हो । नेपाल विद्युत् प्राधिकरणले विद्युत्का पोल धमाधम हटाउन थालेपछि सडक विस्तारको काम गर्न सहज भएको सडक आयोजनाले जनाएको छ ।

सडकखण्ड अन्तर्गतका संरचना हटाउने व्रmममा तनहुँ वितरण केन्द्रले आफ्नो क्षेत्रमा बिजुलीका पोल धमाधम हटाएर नयाँ पोल गाड्ने काम गरिराखेको छ । पहिला सुस्त गतिमा पोल स्थानान्तरण हुँदा प्रभावित भएकोमा हाल तीव्र रूपमा काम हुँदा तनहुँ क्षेत्रमा काम गर्न सहज भएको पृथ्वी राजमार्ग विस्तार पश्चिम खण्डका प्रमुख इन्जिनियर राजेश पौडेलले बताउनुभयो । पुराना पोल हटाएर नयाँ संरचना बनाउने काम हालसम्म ६५ प्रतिशत सकिएको तनहुँ वितरण केन्द्रका प्रमुख इन्जिनियर विजयराज रेग्मीले जानकारी दिनुभयो । सदरमुकाम दमौलीमा सडक सीमाभित्रका संरचना हटाउन ढिलाइ भएको उहाँले बताउनुभयो । रेग्मीका अनुसार नयाँ पोल राख्ने तथा प्रसारण लाइन सुधार अन्तर्गत ९६ करोड रुपियाँको लागतमा पोल सार्ने काम भइरहेको छ । ५२ करोड रुपियाँ सडक विस्तार आयोजनाको र बाँकी रकम नेपाल विद्युत् प्राधिकरणको लागतमा भइरहेको छ ।

पहिला ११ मिटर अग्लो पोल भएकोमा हाल १३ मिटर अग्लो पोल राखिएका छन् । तनहुँ वितरण अन्तर्गतको दुई खण्डमा विभाजन गरी काम भइरहेको छ । एसियाली विकास बैङ्कको आर्थिक सहयोगमा मुग्लिङ–पोखरा सडक सुधार आयोजना अन्तर्गत नेपालका दुई ठुला सहर काठमाडौँ र पोखरा जोड्ने पृथ्वी राजमार्ग अन्तर्गतको उक्त खण्डलाई कम्तीमा चार लेनको बनाउने कार्य भइरहेको छ । २०२६ सालमा रेखाङ्कन गरिएको यस सडकमा सवारीको चाप बढेसँगै एसियाली विकास बैङ्क (एडिबी) को ऋण सहयोगमा सडक चार लेनको बनाउने काम भइरहेको छ ।

विद्युत् सेवा अवरुद्ध

अविरल वर्षासँगै आएको बाढी र पहिरोले गर्दा विद्युत् पोलमा क्षति भएकाले यहाँका दुई पालिकामा विद्युत् सेवा अवरुद्व भएको छ । म्याग्दे गाउँपालिका र शुक्लागण्डकी नगरपालिकाका केही वडामा बिजुली अवरुद्ध भएको नेपाल विद्युत् प्राधिकरण तनहुँ वितरण केन्द्रले जनाएको छ । पृथ्वी राजमार्गमा पर्ने तनहुँको म्याग्दे गाउँपालिका–६, मौरीओढारमा गएको पहिरोले सात वटा विद्युत् पोल ढलेकाले उक्त दुई पालिकामा विद्युत् सञ्चालन गर्न कठिनाइ भएको वितरण केन्द्रका प्रमुख विजयराज रेग्मीले बताउनुभयो । रेग्मीका अनुसार म्याग्दे, शुक्लागण्डकी, व्यास र आँबुखैरेनी गाउँपालिकालगायत क्षेत्रमा गरी एक दर्जनभन्दा बढी विद्युत् पोल ढालेर क्षति पुगेको छ । गोरखापत्र

ताजा समाचार

परराष्ट्रमन्त्री डा राणासँग अमेरिकी राजदूतको शिष्टाचार भेट

काठमाडौं । परराष्ट्रमन्त्री डा आरजु राणा देउवासँग नेपालका लागि अमेरिकी राजदूत डिन आर थम्पसनले...

प्रदर्शनकारीद्वारा बङ्गलादेशका सरकारी भवनमा आागजनी

काठमाडौं । बङ्गलादेशमा जारी आरक्षणविरोधी आन्दोलनका क्रममा प्रदर्शनकारीले एकैदिन धेरै सरकारी भवनमा आगो लगाइदिएका...

ओलम्पिकमा सहभागी हुन जाने नेपाली टोलीको बिदाइ

काठमाडौं । राष्ट्रपति रामचन्द्र पौडेलले ३३औँं गृष्मकालीन पेरिस ओलम्पिकमा सहभागी हुन जाने नेपाली खेलाडीलाई...

भगवानको कृपाले म बाँचे : पूर्वराष्ट्रपति ट्रम्प

काठमाडौं । पूर्व अमेरिकी राष्ट्रपति एवम् रिपब्लिकन राष्ट्रपति पदका उम्मेदवार डोनाल्ड ट्रम्पले आइतबार भएको...