पाल्पा ‘पूर्ण खोप’ सुनिश्चिता जिल्ला घोषणा

Published on

काठमाडौं । पाल्पालाई ‘पूर्ण खोप’ सुनिश्चिता तथा दीगोपना जिल्ला घोषणा गरिएको छ । जिल्लाका दश वटै स्थानीय तहका १६ महिनादेखि पाँच वर्षमुनिका बालबालिकालाई लक्ष्यअनुसार खोप लगाएपछि पाल्पालाई पूर्ण खोपयुक्त जिल्लाको रुपमा घोषणा गरिएको हो ।

लुम्बिनी प्रदेशका सभामुख तुलाराम घर्ती मगर (वसन्त)ले खोप समन्वय समितिका संयोजक टंकनाथ खनाललाई पूर्ण खोप जिल्ला घोषित भएको प्रमाणपत्र प्रदान गर्नुभयो । दश स्थानीय तहका ८१ वटै वडामा घरधुरी सर्वेक्षण गरी जन्मेदेखि १५ महिनामुनिका तीन हजार ३०८ जना बालबालिका र १६ महिना देखि पाँच वर्षमुनिका १० हजार ५६० जना बालबालिकालाई खोप लगाइएको छ । तीमध्ये ६ जना बालबालिका ड्रप आउट भएकाले पनि पूर्ण खोप पाएको सुनिश्चित गरिएको स्वास्थ्य कार्यालय पाल्पाका प्रमुख डा।राजेन्द्र गिरीले बताउनुभयो । सरकारले तोकेको सूचकाङ्क पूरा गरेपछि पूर्ण खोपयुक्त जिल्ला घोषणा गरिएको उहाँले बताउनुभयो । पाल्पालाई तीन वर्षयता लगातार पूर्ण खोपयुक्त जिल्लाको रुपमा स्थापित गरिएको डा। गिरीले बताउनुभयो ।

कार्यक्रममा सभामुख घर्तीमगरले घोषणा गर्नु ठूलो कुरा नभई त्यसलाई दीगो बनाइराख्नु महत्वपूर्ण रहेको बताउनुभयो । स्वास्थ्य क्षेत्र सम्वेदनशील विषय भएपनि तीनै तहका सरकारको प्राथमिकतामा नपरेको उहाँले बताउनुभयो । सभामुख घर्तीमगरले लुम्विनी प्रदेश सरकारले अहिले पनि भौतिक पूर्वाधार मन्त्रालयमा १२ अर्व वजेट विनियोजन गरेपनि शिक्षा र स्वास्थ्य जस्तो क्षेत्रमा दुई अर्ब मात्र बजेट लगानी गरेकोमा दुःख व्यक्त गर्नुभयो । कार्यक्रममा प्रदेशसभा सदस्य वीरबहादुर रानाले घोषणा गर्नुलाई अभियानका रुपमा लिनुपर्ने बताउनुभयो । अर्का प्रदेशसभा सदस्य खेमबहादुर सारुले शिक्षा र स्वास्थ्य एक अर्कोका परिपूरक भएकाले यी दुवै सुनिश्चितता नहुँदा बसाईसराई बढ्दो रहेकाले त्यसतर्फ सबैले ध्यान दिनुपर्ने बताउनुभयो । गोरखापत्र

ताजा समाचार

परराष्ट्रमन्त्री डा राणासँग अमेरिकी राजदूतको शिष्टाचार भेट

काठमाडौं । परराष्ट्रमन्त्री डा आरजु राणा देउवासँग नेपालका लागि अमेरिकी राजदूत डिन आर थम्पसनले...

प्रदर्शनकारीद्वारा बङ्गलादेशका सरकारी भवनमा आागजनी

काठमाडौं । बङ्गलादेशमा जारी आरक्षणविरोधी आन्दोलनका क्रममा प्रदर्शनकारीले एकैदिन धेरै सरकारी भवनमा आगो लगाइदिएका...

ओलम्पिकमा सहभागी हुन जाने नेपाली टोलीको बिदाइ

काठमाडौं । राष्ट्रपति रामचन्द्र पौडेलले ३३औँं गृष्मकालीन पेरिस ओलम्पिकमा सहभागी हुन जाने नेपाली खेलाडीलाई...

भगवानको कृपाले म बाँचे : पूर्वराष्ट्रपति ट्रम्प

काठमाडौं । पूर्व अमेरिकी राष्ट्रपति एवम् रिपब्लिकन राष्ट्रपति पदका उम्मेदवार डोनाल्ड ट्रम्पले आइतबार भएको...