काठमाडौं । पशुहरुमा देखिने खोरेत रोग मुक्त प्रदेश बनाउन कोशी प्रदेश सरकार जुटेको छ । दुधबाट बन्ने विभिन्न परिकार र मासुजन्य उत्पादनमा राम्रो रहेको कोशी प्रदेशलाई खोरेत मुक्त गराउने अभियानमा जुटेको कोशी प्रदेशका आर्थिक मामिला तथा योजनामन्त्री रामबहादुर रानाले बताउनुभयो ।
‘कोशीमा उत्पादन भएका पशुजन्य वस्तुको विदेश निर्यातका लागि पहिलो शर्त खोरेत मुक्त प्रमाणपत्र हुन्छ । अब खोरेत मुक्त गर्न प्रदेशका १४ वटै जिल्लामा भेटेरिनरी अस्पताल तथा पशु सेवा विज्ञ केन्द्रको स्थापना गर्ने र किसानलाई सहयोग गर्ने कार्यक्रम छ’ मन्त्री रानाले भन्नुभयो, ‘यहाँबाट घिउ, छुर्पी, दुध, दुधका परिकार र मासुजन्य उत्पादन राम्रोसँग निर्यात गरी किसानको आर्थिक अवस्था सुदृढ गर्न सकिन्छ । यसैबिच लम्पी स्किन रोगबाट ठुलो क्षति व्यहोरेको इलाममा इलाममा भेटेरिनरी अस्पताल तथा पशु सेवाविज्ञ केन्द्रको स्थापना गरिएको छ । देशमा संघीय संरचनापछि जिल्लाबाट हटाइएको जिल्ला पशु सेवा कार्यालयलाई अहिले भेटेरिनरी अस्पताल तथा पशु सेवा विज्ञ केन्द्रको रुपमा स्थापना गरिएको हो ।
कार्यालयको मन्त्री रानाले एक कार्यक्रमबिच उद्घाटन गर्नुभयो । कार्यालय उद्घाटन गर्दै मन्त्री रानाले खोरेत रोग मुक्त प्रदेश बनाउन यो वर्ष बजेटको समेत व्यवस्था गरिएको जानकारी दिनुभयो । जिल्लामा केन्द्रको स्थापना गरिएपछि पशुपालन व्यवसायमा थप टेवा पुग्ने अपेक्षा लिइएको किसान प्रतिनिधि महानन्द ओझाले बताउनुभयो । गोरखापत्र