‘देशभक्त राजनेता कीर्तिनिधि विष्ट’ नामक ग्रन्थ सार्वजनिक

Published on

काठमाडौं । पूर्वप्रधानमन्त्री कीर्तिनिधि विष्टको योगदानप्रति आदर, श्रद्धा र सम्मान प्रकट गर्न ‘देशभक्त राजनेता कीर्तिनिधि विष्ट’ नामक ग्रन्थ प्रकाशन गरिएको छ । नई प्रकाशनले आयोजना गरेको कार्यक्रममा पूर्वप्रधानन्यायधीश अनुपराज शर्मा, शिक्षाविद प्रा।डा।सुरेशराज शर्मा र वरिष्ठ समालोचक प्रा.डा.वासुदेव त्रिपाठीले सामूहिकरुपमा सो ग्रन्थ लोकार्पण गर्नुभयो ।

कृतिमाथि समीक्षा गर्नुहुँदै प्रा केशव सुवेदीले पूर्वप्रधानमन्त्री विष्ट राजनीति र नैतिकतालाई जोडेर हिँड्न सक्ने नेताका रुपमा स्थापित हुनुभएको बताउनुभयो । कृतिमा लेखकहरुले उहाँ आर्थिक विवादमा नमुछिनुभएको विषयसमेत उल्लेख गरेको जानकारी समीक्षक सुवेदीले दिनुभयो । वि.सं.२०४७ पछि अरु पञ्चहरु बसाइँ सरे पनि विष्ट भने आदर्शमा अविचलित रहनुभएको र पूर्वप्रधानमन्त्रीका रुपमा राज्यबाट कुनै पनि सुविधा नलिएको विषयलाई पनि कृतिमा स्थान दिइएको छ । कुनै प्रचार प्रसार नखोजी बस्ने नेताका रुपमा पनि विष्टलाई चिनिन्छ । नरेन्द्रराज प्रसाई तथा इन्दिरा प्रसाईबाट सम्पादित कृतिमा पूर्वप्रधानमन्त्री विष्टको योगदानको विवरण उल्लेख गरिएको छ ।

नई प्रकाशनको एक सय ८३ औँ कृतिका रुपमा ‘देशभक्त राजनेता कीर्तिनिधि विष्ट’ ग्रन्थ प्रकाशित भएको हो । पाँच सय ८८ पृष्ठको ग्रन्थमा प्रधानमन्त्री केपी शर्मा ओली, पूर्वप्रधानमन्त्रीद्वय लोकेन्द्रबहादुर चन्द र माधवकुमार नेपाल, राष्ट्रकवि माधव घिमिरे, वाङ्मय शताब्दी पुरुष सत्यमोहन जोशी, नेताहरु सिपी मैनाली, पशुपतिशमशेर राणा, नवराज सुवेदी, अर्जुननरसिंह केसी, कमल थापा, डा।भेषबहादुर थापा, समाजसेवी भद्रकुमारी घले, वरिष्ठ अधिवक्ता कृष्णप्रसाद भण्डारी, पूर्वमुख्यसचिव लोकमानसिंह कार्कीसमेत ६९ जना व्यक्तित्वका लेख समेटिएको छ । रासस

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...