काठमाण्डौँ । एक लाख ५० हजार राशीको आठौँ मण्डली कप कात्तिक २१ गतेदेखि हुने भएको छ । मण्डली स्पोर्ट्स क्लब पूर्वखोलाको आयोजनामा प्रतियोगिता हुन लागेको क्लबका अध्यक्ष अनन्तप्रसाद श्रेष्ठले जानकारी दिनुभयो । प्रतियोगितामा पुरूषतर्फ र महिलातर्फको भलिबल खेल हुनेछ । पुरूषतर्फ एक लाख ५० हजार रुपियाँ र महिलातर्फ भने ३० हजार रूपियाँ रासीको पुरस्कार हुने अध्यक्ष श्रेष्ठले बताउनुभयो ।
प्रतियोगितामा द्वितीय हुनेले एक लाख, तृतीय हुनेले ७० हजार र सान्त्वना हुनेले ३५ हजार नगद पुरस्कार प्राप्त गर्ने छन् । यस्तै उत्कृष्ठ खेलाडीलाइ पनि नगदसहित सम्मान गरिनेछ । यस्तै महिलातर्फ द्वितीयले २० हजार, तृतीयले १० हजार र सान्त्वनालाई पाँच हजार रुपियाँ नगद प्रदान गरिनेछ । पुरुष भलिबलतर्फ ६ टिम सहभागी हुनेछन् भने महिलातर्फ ४ टिमबीच प्रतिस्पर्धा हुने क्लबका सचिव कृष्णप्रसाद पंगेनीले बताउनुभयो । गोरखापत्र