भारत एसँग नेपाल ३०६ रनले पराजित, २६ रनमै समेटियो नेपाली टोली

Published on

काठमाडौं – नेपाली क्रिकेट टोलीले राइजिङ स्टार्स एसिया कपको पहिलो खेलमा भारत ए सँग लज्जास्पद हार बेहोरेको छ । शुक्रबार राति कतारको दोहामा सम्पन्न खेलमा नेपाल भारत एसँग ३०६ रनको फराकिलो अन्तरले पराजित भएको हो । भारत ए ले दिएको ३३३ रनको लक्ष्य पछ्याएको नेपाल ११औँ ओभरमा मात्र २६ रनमा समेटियो । नेपालको ब्याटिङ निकै कमजोर रहँदा कुनै पनि ब्याटरले दोहोरो अंकमा रन बनाउन सकेनन् । नेपालका लागि पवन सर्राफले सर्वाधिक ६ रन बनाए । नेपाललाई सस्तैमा समेट्ने क्रममा भारतका प्रिन्स यादवले ५ विकेट लिए । त्यस्तै, हर्षित रानाले ४ तथा शाहबाज अहमदले १ विकेट हात पारे ।

त्यसअघि टस हारेर पहिले ब्याटिङ गरेको भारत ए ले निर्धारित ५० ओभरमा ९ विकेट गुमाएर ३३२ रन बनाएको थियो । भारतका कुमार कुशाग्र र कप्तान तिलक वर्माले शतकीय इनिङ खेलेपछि टोलीले बलियो योगफल तयार पारेको थियो । कुशाग्रले ११७ रन बनाउँदा कप्तान तिलकले १०७ रनको योगदान दिए । त्यस्तै, सुर्यांश सेड्गेले १४ बलमा अविजित ३६ रन बनाए भने ओपनर वैभव सूर्यवंशीले २६ रन जोडे ।

४२ रनमा ३ विकेट गुमाएर दबाबमा परेको भारतको इनिङ कुशाग्र र तिलकले सम्हालेका थिए । उनीहरूबीच चौथो विकेटका लागि २०६ रनको उत्कृष्ट साझेदारी भएको थियो । भारतको स्कोर २४८ रन पुग्दा कुशाग्र ललित राजवंशीको बलमा बोल्ड भए । शतक पूरा गरेपछि असहज महसुस गरिरहेका तिलक नन्दन यादवको बलमा आउट भएका थिए ।

बलिङतर्फ नेपालका कप्तान सन्दीप लामिछाने र ललित राजवंशीले समान ३ विकेट लिए । नन्दन यादवले २ तथा पवन सर्राफले १ विकेट हात पारे । नेपालले प्रतियोगिताको दोस्रो खेलमा आइतबार संयुक्त अरब इमिरेट्स (यूएई) सँग प्रतिस्पर्धा गर्नेछ ।

spot_img

ताजा समाचार

प्रधानमन्त्री बालेन शाह आइतबार भारत भ्रमणमा जाँदै, ३४ सदस्यीय टोली सहभागी हुने

काठमाडौं - प्रधानमन्त्री वालेन्द्र शाह पर्सि आइतबार भारतको दुईदिने राजकीय भ्रमणमा जानुहुने भएको छ...

पृथ्वी राजमार्गमा दैनिक पाँच घण्टा सवारी आवागमन बन्द हुने

काठमाडौं - पृथ्वी राजमार्गको विभिन्न सडक खण्डमा मर्मत तथा निर्माण कार्य गर्न भोलि (शनिबार)...

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...