काठमाडौं, असोज २० – हाल देशभर मनसुनी वायुले प्रभाव जमाइरहेको मौसम पूर्वानुमान महाशाखाले जनाएको छ। जल तथा मौसम विज्ञान विभागका अनुसार, कोशी, लुम्बिनी, कर्णाली र सुदूरपश्चिम प्रदेशमा सामान्य बदली रहनेछ भने अन्य भूभागहरूमा आंशिक बदलीको सम्भावना छ।
महाशाखाका अनुसार, कोशी, बागमती, लुम्बिनी, कर्णाली र सुदूरपश्चिम प्रदेशका केही स्थानहरूमा मेघगर्जन, चट्याङसहित मध्यम खालको वर्षा हुन सक्ने अनुमान गरिएको छ। पहाडी तथा तराई भूभागमा यो सम्भावना बढी देखिएको छ।
आज रातिसमेत मौसम यस्तै रहने अनुमान गरिएको छ। कोशी, लुम्बिनी, कर्णाली र सुदूरपश्चिम प्रदेशमा सामान्य बदली रहनेछ भने बाँकी भूभागहरूमा आंशिक बदली रहनेछ। विशेष गरी कर्णाली र सुदूरपश्चिमका पहाडी तथा तराई क्षेत्रका केही स्थानहरूमा मेघगर्जन र चट्याङसहित मध्यम वर्षा हुन सक्ने पूर्वानुमान छ।
मौसम महाशाखाले सचेत रहन र आवश्यक सतर्कता अपनाउन सबैलाई आग्रह गरेको छ।
